शरद पवार यांना झेड प्लस सुरक्षा
वृत्तसंस्था/ नवी दिल्ली
केंद्र सरकारने राष्ट्रवादी काँग्रेस पक्षाचे (एनसीपी-एसपी) अध्यक्ष शरद पवार यांना झेड प्लस सुरक्षा प्रदान केली आहे. साहजिकच आता त्यांना सशस्त्र व्हीआयपी सुरक्षा कवचाची सर्वोच्च श्रेणी प्राप्त होणार असल्याचे अधिकृत सूत्रांनी बुधवारी सांगितले. केंद्रीय गृह मंत्रालयाने केंद्रीय राखीव पोलीस दलाला (सीआरपीएफ) शरद पवार यांच्या सुरक्षेत वाढ करण्याची सूचना केली आहे. त्यानुसार त्यांच्या सुरक्षेसाठी 55 सशस्त्र सीआरपीएफ जवानांची तुकडी तैनात करण्यात आली आहे.
केंद्रीय एजन्सींच्या धोक्मयाच्या मूल्यांकनाच्या पुनरावलोकनात पवारांना मजबूत सुरक्षा कवच प्रदान करण्याची शिफारस करण्यात आली आहे. केंद्राने त्यांना सीआरपीएफ व्हीआयपी सुरक्षा विंगच्या सुरक्षेसाठी झेड प्लस कव्हर दिले आहे. हे काम हाताळण्यासाठी सीआरपीएफची एक टीम आधीपासूनच महाराष्ट्रात असल्याची माहिती त्यांनी दिली.
केंद्राच्या निर्णयानंतर त्यांच्या सुरक्षेसाठी दहा अतिरिक्त सीआरपीएफ जवान तैनात करण्यात येणार आहेत. आरक्षणासंदर्भातील आंदोलने आणि इतर अनेक मुद्यांवर राज्यातील परिस्थिती पाहता गुप्तचर यंत्रणांनी त्यांच्या सुरक्षेबाबत अलर्ट जारी केला होता. यानंतर त्यांची सुरक्षा वाढवण्यात आली आहे.