युवा उद्योजक विशाल परब यांची भाजप वापसी
मुंबई प्रतिनिधी
सावंतवाडी येथील युवा उद्योजक विशाल परब यांचे भाजप मधील निलंबन आज रद्द करण्यात आले असून विशाल परब यांची भाजप मध्ये घरवापासी झाली आहे. भाजपमध्ये त्यांचा आज पुन्हा एकदा नव्याने प्रवेश घेण्यात आला आहे. भाजपचे प्रदेश अध्यक्ष रविंद्र चव्हाण यांच्या प्रमुख उपस्थितीत परब यांचे निलंबन मागे घेतल्याचे पक्षाचे पत्र देण्यात आले. याप्रसंगी आमदार व भाजपचे महामंत्री विक्रांत पाटील, सिंधुदुर्गचे भाजपचे जिल्हाध्यक्ष प्रभाकर सावंत आणि आमदार विक्रम पाचपुते उपस्थित होते.याप्रसंगी बोलताना रविंद्र चव्हाण यांनी सांगितले की, पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वाखाली पुन्हा मला जोमाने काम करायची इच्छा आहे. अशी विनंती विशाल परब यांनी केली होती. त्यामुळे विशाल परब यांनी केलेल्या या विनंतीवरून देशात नरेंद्रजी आणि राज्यात देवेंद्रजी यांच्या नेतृत्वाखाली भाजप पक्ष मजबूत करण्याच्या दृष्टीने त्यांचे निलंबन मागे घेण्यात आले आहे. त्यापुढे विशाल परब आणि त्यांचे असंख्य कार्यकर्ते कोकणात जोमाने पक्ष वाढवण्यासाठी काम करतील.असे प्रदेशाध्यक्ष रविंद्र चव्हाण यांनी स्पष्ट केले. यावेळी विशाल परब यांच्या सोबत हजारो कार्यकर्त्याची पुन्हा एकदा भाजपमध्ये घरवापसी झाली आहे.यावेळी युवा कार्यकर्त्यांसह, महिला युवक कार्यकर्त्यांची उपस्थिती लक्षणीय होती. यावेळी भाजपचे जिल्हाध्यक्ष प्रभाकर सावंत. ॲड अनिल निरवडेकर. दोडामार्ग हे माजी तालुकाध्यक् रंगनाथ गवस मंगेश तळवेकर. प्रभाकर परब रवींद्र परब. पुंडलिक कदम आधी शेकडो कार्यकर्त्यांच्या उपस्थितीत अखेर भाजपमध्ये विशाल परब यांची इंट्री झाली आहे. त्यामुळे सिंधुदुर्ग जिल्ह्याच्या राजकीय पटलावर आता अनेक बदल पाहायला मिळणार आहेत. सावंतवाडी विधानसभा मतदारसंघात आगामी होऊ घातलेल्या स्थानिक स्वराज्य संस्थांच्या निवडणुकीच्या पार्श्वभूमीवर आता राजकीय गणिते बदलणार आहेत. त्यामुळे विशाल परब यांच्या भाजप वापसीमुळे राजकीय समीकरणे आता बदलणार आहेत.