महिला टी-20 विश्वचषक वेळापत्रक जाहीर

वृत्तसंस्था/ दुबई

महिलांची टी-20 विश्वचषक स्पर्धा बांगलादेशमधून संयुक्त अरब अमिरातला हलविल्यानंतर आयसीसीने या स्पर्धेचे सुधारित वेळापत्रक जाहीर केले असून दुबई व शारजाह येथे स्पर्धेतील सामने खेळविले जाणार आहेत. ऑक्टोबरमध्ये ही स्पर्धा होणार आहे.

गटामध्ये कोणताही बदल करण्यात आला नसून सहावेळचे चॅम्पियन ऑस्ट्रेलियासह भारत, न्यूझीलंड, पाकिस्तान, लंका यांचा अ गटात समावेश आहे. दक्षिण आफ्रिका, इंग्लंड, वेस्ट इंडीज, बांगलादेश, स्कॉटलंड यांना ब गटात स्थान देण्यात आले आहे. या वर्षाच्या सुरुवातीस अबु धाबी येथे झालेल्या महिला टी-20 विश्वचषक पात्रता स्पर्धेतून लंका व स्कॉटलंड यांनी मुख्य स्पर्धेसाठी पात्रता मिळविली आहे. प्रत्येक संघ गटसाखळीत चार सामने खेळेल आणि गटातील पहिले दोन संघ उपांत्य फेरीसाठी पात्र ठरतील. उपांत्य लढती 17 व 18 ऑक्टोबर रोजी खेळविल्या जातील तर अंतिम लढत दुबईत 20 ऑक्टोबर रोजी खेळविली जाईल. उपांत्य व अंतिम सामन्यांसाठी राखीव दिवस ठेवण्यात आला आहे. भारताने उपांत्य फेरी गाठल्यास पहिल्या उपांत्य सामन्यात ते खेळतील. स्पर्धेत एकूण 23 सामने होणार आहेत. त्याआधी 28 सप्टेंबर ते 1 ऑक्टोबर या कालावधीत एकूण 10 सराव सामने होणार आहेत.

महिला टी-20 विश्वचषक स्पर्धा वेळापत्रक

तारीख   संघ                                                     केंद्र      वेळ

3 ऑक्टो.               बांगलादेश वि. स्कॉटलंड       शारजाह      दु. 2

पाक वि. लंका                शारजाह          सायं  6

4 ऑक्टो.              द.आफ्रिका वि. विंडीज      दुबई              दु. 2

भारत वि. न्यूझीलंड           दुबई       सायं. 6

5 ऑक्टो.              बांगलादेश वि. इंग्लंड         शारजाह        दु. 2

लंका वि. ऑस्ट्रेलिया         शारजाह          सायं. 6

6 ऑक्टो.              भारत वि. पाक                       दुबई       दु. 2

विंडीज वि. स्कॉटलंड         दुबई          सायं. 6

7 ऑक्टो.              इंग्लंड वि. द.आफ्रिका       शारजाह         सायं. 6

8 ऑक्टो.              न्यूझीलंड वि. ऑस्ट्रेलिया     शारजाह         सायं. 6

9 ऑक्टो.              द.आफ्रिका वि. स्कॉटलंड    दुबई             दु. 2

भारत वि. लंका            दुबई                  सायं. 6

10 ऑक्टो.            बांगलादेश वि. विंडीज        शारजाह        सायं. 6

11 ऑक्टो.             ऑस्ट्रेलिया वि. पाक          दुबई            सायं. 6

12 ऑक्टो.            न्यूझीलंड वि. लंका             शारजाह             दु. 2

बांगलादेश वि. द.आफ्रिका         दुबई       सायं. 6

13 ऑक्टो.             इंग्लंड वि. स्कॉटलंड           शारजाह           दु. 2

भारत वि. ऑस्ट्रेलिया        शारजाह          सायं. 6

14 ऑक्टो.            पाक वि. न्यूझीलंड             दुबई            सायं. 6

15 ऑक्टो.            इंग्लंड वि. विंडीज                दुबई          सायं. 6

17 ऑक्टो.            पहिला उपांत्य सामना       दुबई           सायं. 6

18 ऑक्टो.            दुसरा उपांत्य सामना         शारजाह         सायं. 6

20 ऑक्टो.            जेतेपदाची लढत                दुबई          सायं. 6.