आमटे येथे गव्याच्या हल्ल्यात महिला ठार

खानापूर : तालुक्यातील आमटे येथे गव्याच्या हल्ल्यात महिला ठार झाल्याची घटना सोमवारी सकाळी 11 वाजता घडली. वनखात्याच्या अधिकाऱ्यांनी घटनास्थळी दाखल होऊन महिलेला अधिक उपचारासाठी बेळगाव येथील सिव्हिल हॉस्पिटलमध्ये  दाखल करण्यात आले होते. उपचारादरम्यान तिचा मृत्यू झाला.  आमटे येथील सरस्वती अर्जुन गावकर (वय 70) या रोजच्याप्रमाणे आपल्या मुलाबरोबर काजूच्या बागेत काजू वेचण्यासाठी सकाळी 10 वाजता गेल्या होत्या.