‘कॅपजेमिनी’ खरेदी करणार डब्ल्यूएनएस कंपनी
3.3 अब्ज डॉलर्समध्ये होणार खरेदी व्यवहार
वृत्तसंस्था/ नवी दिल्ली
फ्रान्सच्या कॅपजेमिनीने मुंबई येथे कार्यरत असणारी कंपनी डब्ल्यूएनएस 3.3 अब्ज डॉलर्समध्ये खरेदी करणार आहे, अशी घोषणा कंपनीने केली आहे. हा व्यवहार रोखीनेच होणार असल्याची माहिती असून आयटी सेवा आणि आरोग्य सेवा क्षेत्राला या वीलीनीकरणाचा लाभ होणार असल्याची माहिती आहे. दरम्यान आयटी सेवा आणि व्यवसाय प्रक्रिया व्यवस्थापन क्षेत्रातील हे सर्वात मोठे विलीनीकरण आहे.
आयटी सेवा आणि सल्लागार कंपनी कॅपजेमिनी न्यूयॉर्क स्टॉक एक्सचेंज-सूचीबद्ध डब्लूएनएसचे मूल्यांकन 76.50 डॉलर प्रति शेअर करत आहे, जे गेल्या 90 दिवसांमधील त्याच्या सरासरी शेअर किमतीपेक्षा 28 टक्के जास्त आहे.
अधिग्रहणाचे धोरणात्मक फायदे
कॅपजेमिनीचे सीईओ आयमान इज्जत म्हणाले, डब्ल्यूएनएसचे अधिग्रहण पारंपारिक बीपीएसवरून एजंटिक एआय-चालित बुद्धिमान ऑपरेशन्सकडे व्यापक बदलाद्वारे वेगाने उदयास येणाऱ्या धोरणात्मक संधीचा फायदा घेण्यासाठी स्केल आणि वर्टिकल क्षेत्रातील तज्ञता प्रदान करेल.’ उद्योग तज्ञ आणि कंपनीच्या सूत्रांनी मान्य केले की या अधिग्रहणामुळे फ्रेंच फर्मला वेगाने वाढणाऱ्या एजंटिक एआय क्षेत्रात पुढचे पाऊल टाकता येईल. यामुळे कंपनीच्या प्रतिस्पर्ध्यांपेक्षा मागे असलेल्या महसूल वाढीला देखील चालना मिळेल.