विंडीज महिलांची स्कॉटलंडवर 6 गड्यांनी मात

चिनेली हेन्री सामनावीर, विंडीजचा स्पर्धेतील पहिला विजय 

वृत्तसंस्था/ दुबई

2024 च्या आयसीसी महिलांच्या टी-20 विश्वचषक क्रिकेट स्पर्धेत रविवारी येथे खेळविण्यात आलेल्या सामन्यात विंडीजने स्कॉटलंडचा 50 चेंडू बाकी ठेऊन 6 गड्यांनी दणदणीत पराभव केला. या स्पर्धेत विंडीजला पहिल्या सामन्यात हार पत्करावी लागली होती. तर स्कॉटलंडचा हा सलग दुसरा पराभव आहे.

या सामन्यात स्कॉटलंडने नाणेफेक जिंकून प्रथम फलंदाजी करताना 20 षटकात 8 बाद 99 धावा जमविल्या. त्यानंतर विंडीजने 11.4 षटकात 4 बाद 101 धावा जमवित स्पर्धेत आपले विजयाचे खाते उघडले.

स्कॉटलंडच्या डावात कर्णधार कॅथरीन ब्राईसने 31 चेंडूत 1 चौकारासह 25, अॅलिसा लिस्टरने 33 चेंडूत 1 चौकारासह 26, हॉर्लेने 9 चेंडूत 2 चौकारांसह 11, जॅक ब्राऊनने 11 चेंडूत 1 चौकारासह 11, कार्टरने 15 चेंडूत 1 चौकारासह नाबाद 14 धावा जमविल्या. स्कॉटलंडच्या डावात 6 चौकार नोंदविले गेले. स्कॉटलंडचे अर्धशतक 10.4 षटकात (64 चेंडूत) फलकावर लागले. पॉवरप्लेच्या 6 षटकात त्यांनी 25 धावा जमविताना 2 गडी गमविले. 10 षटकाअखेर स्कॉटलंडने 2 बाद 45 धावा जमविल्या होत्या. विंडीजतर्फे फ्लेचरने 22 धावात 3, तर हेन्री, मॅथ्युज, करिश्मा रामहरक यांनी प्रत्येकी 1 गडी बाद केला.

प्रत्युत्तरादाखल खेळताना विंडीजच्या डावात जोसेफने 18 चेंडूत 1 षटकार आणि 3 चौकारांसह 31, डॉटीनने 15 चेंडूत 2 षटकार 2 चौकारांसह नाबाद 28, चिनेली हेन्रीने 10 चेंडूत 1 षटकार आणि 2 चौकारासह नाबाद 18, कर्णधार मॅथ्युजने 8, टेलरने 4 तर कॅम्पबेलने 2 धावा जमविल्या. विंडीजला 10 अवांतर धावा मिळाल्या. विंडीजच्या डावात 4 षटकार आणि 8 चौकार नोंदविले गेले. स्कॉटलंडतर्फे बेलने 18 धावात 2, तर स्लेटर आणि प्रियानाझ चटर्जी यांनी प्रत्येकी 1 गडी बाद केला. विंडीजने पॉवरप्लेच्या 6 षटकात 46 धावा जमविताना 2 गडी गमविले. विंडीजचे अर्धशतक 41 चेंडूत तर शतक 70 चेंडूत फलकावर लागले. 10 षटकाअखेर विंडीजने 4 बाद 73 धावा जमविल्या होत्या.

संक्षिप्त धावफलक : स्कॉटलंड 20 षटकात 8 बाद 99 (लिस्टर 26, ब्राईस 25, कार्टर नाबाद 14, हॉर्ले 11, अवांतर 4, फ्लेचर 3-22, हेन्री, मॅथ्युज, रामहरक प्रत्येकी 1 बळी), विंडीज 11.4 षटकात 4 बाद 101 (जोसेफ 31, डॉटीन नाबाद 28, हेन्री नाबाद 18, अवांतर 10, बेल 2-18, स्लेटर व चटर्जी प्रत्येकी 1