शहरात आज पाणीपुरवठ्यात व्यत्यय

प्रतिनिधी/ बेळगाव

हिंडलगा पंपिंग स्टेशनमध्ये हेस्कॉमतर्फे दुरुस्तीचे काम हाती घेण्यात येणार आहे. त्यामुळे रविवार दि. 25 रोजी शहरातील पाणीपुरवठ्यात एक दिवस व्यत्यय येण्याची शक्यता आहे. हिंडलगा पंपिंग स्टेशनमध्ये दुरुस्तीचे काम सुरू होणार असल्याने लक्ष्मीटेक जलशुद्धीकरण केंद्रात होणारा पाणीपुरवठा थांबणार आहे. राकसकोप जलाशयातून होणारा पाणीपुरवठा एक दिवस ठप्प होणार आहे. त्यामुळे शहरात एक दिवस पाणीपुरवठ्यात व्यत्यय येण्याची शक्यता आहे.