वामिका गब्बीला मिळाला बिगबजेट चित्रपट

जया बच्चन देखील मुख्य भूमिकेत

वामिका गब्बी ही बॉलिवूडमधील अत्यंत प्रतिभावान अभिनेत्री म्हणून ओळखली जाते. वामिकाने अनेक दाक्षिणात्य चित्रपटांमध्येही काम केले आहे. तिला खूफिया या चित्रपटामुळे सर्वाधिक लोकप्रियता मिळाली होती. आता तिला आणखी एक बिगबजेट हिंदी चित्रपट मिळाला आहे. हा चित्रपट विकास बहल यांच्याकडून दिग्दर्शित केला जाणार आहे.

या चित्रपटात वामिका मुख्य भूमिका साकारणार आहे. या चित्रपटात जया बच्चन आणि सिद्धांत चतुर्वेदी देखील दिसून येतील. चित्रपटाची कहाणी रोमान्स ड्रामा धाटणीची आहे. 31 वर्षीय सिद्धांतसोबत वामिकाची जोडी प्रेक्षकांची नवी ठरणार असून जया बच्चन यात तिच्या आईची भूमिका साकारत आहे.

चित्रपटाची निर्मिती भूषण कुमार यांची प्रॉडक्शन कंपनी टी-सीरिजच्या बॅनर अंतर्गत केली जाणार आहे. चित्रिकरण कधी सुरू होणार याची माहिती अद्याप समोर आलेली नाही. सिद्धांत आणि वामिका हे सध्या स्वत:च्या अन्य प्रोजेक्ट्सचे चित्रिकरण करत आहेत.

वामिका गब्बी ही लवकरच वरुण धवन आणि कीर्ति सुरेश यांच्यासोबत अॅक्शन थ्रिलर चित्रपट बेबी जॉनमध्ये दिसून येणार आहे. एटलीकडून निर्मित हा चित्रपट 25 डिसेंबर रोजी प्रदर्शित होणार आहे. याचबरोबर वामिका ही राज अँड डीके यांची वेबसीरिज रक्त ब्रह्मांडमध्ये देखील मुख्य भूमिकेत आहे. संजय भन्साळी यांचा चित्रपट तुम ही हो आणि धडक 2 या चित्रपटातही वामिका काम करणार आहे.