विवो व्ही 40 स्मार्टफोनची आवृत्ती ऑगस्टमध्ये होणार सादर

फोन 7 ऑगस्टला बाजारपेठेत होणार दाखल : अपेक्षित किंमत 28,000 रुपये

वृत्तसंस्था/ नवी दिल्ली

चीनची टेक कंपनी विवो 7 ऑगस्ट रोजी विवो व्ही40 स्मार्टफोन आवृत्ती भारतात सादर करणार आहे. कंपनीने अधिकृत वेबसाईट आणि एक्स हँडेलवर स्मार्टफोन सादर करण्यासंदर्भातील माहिती दिली आहे.

या स्मार्टफोन मालिकेत दोन स्मार्टफोन विवो व्ही40 आणि विवो व्ही40 प्रो या मॉडेलचा समावेश राहणार आहे. यामध्ये 80 डब्ल्यू फास्ट चार्जिंग सपोर्टसह 5500 एमएएच क्षमतेची बॅटरीही मिळणार आहे. या शिवाय फोनमध्ये 50 मेगापिक्सल टेलिफोटो प्रोट्रेट कॅमेरा मिळणार आहे. तसेच तीन रंगाचा पर्यायही उपलब्ध होणार आहे. सदरच्या स्मार्टफोन्सच्या बेसिक मॉडेलची किंमत ही 28,000 रुपये राहणार असल्याची माहिती आहे. तसेच अत्याधुनिक सुविधांयुक्त हा फोन असणार असून तो ग्राहकांच्या पसंतीस उतरणार असल्याचा दावा कंपनीने केला आहे.