दहियाकडून मेटकरला घिस्सावर आस्मान
संगोळळी रायण्णा उत्सवानिमित्त 30 हून अधिक चटकदार कुस्त्यांचा निकाल
भरत कडोलकर/बाळेकुंद्री
बैलहोंगल तालुक्यातील संगोळळी गावात संगोळळी रायण्णा उत्सवानिमित्त कुस्ती मैदानात हरियाणाचा मल्ल विपिन दहियाने महाराष्ट्रचा मल्ल बालाजी मेटकरला अवघ्या 15 मिनिटातच घिस्सा डावावर अस्मान दाखविले. दहा हजाराहून अधिक कुस्ती शौकीनांची मने जिंकली प्रथम क्रमांकाचे बक्षिस पटकावून कुस्ती शौकीनांची वाहवा मिळविली.बक्षिसात संगोळळी रायणाची प्रतिमा.स्मूतीचिन्ह व 50 हजार रोख रक्क्म देण्यात आली.बैलहोंगल तालुक्यातील संगोळळी गावात कन्नड आणि संस्कूती खाते व जिल्हा प्रशासनाच्या वतीने राज्य व राष्ट्रस्तरीय भव्य निकाली कुस्त्या आयोजित करण्यात आल्या होत्या. सांयकाळी 6 वाजता. प्रथम क्रमांकाची कुस्ती हरियाणाचा मल्ल विपिन दहिया व महाराष्ट्रचा मल्ल बालाजी मेटकर यांच्यात प्रमुख पाहुणे बैलहौगलचे आमदार महांतेश कौजलगी, युवजन खात्याचे उपनिर्देशक श्रीनिवास, बैलहोंगलचे तहशिलदार एच एन शिरहट्टी ता.पं सीईओ किरण घोरपडे, पीएसआय एफ. वाय. मल्लूर यांच्या हस्ते लावण्यात आली.
प्रारंभी दोन्ही मल्लानी ताकतीचे तेवढयाच बलदंड शरीराने भारदसत असल्यामुळे यात कोण चित्त पडणार अशी चर्चेत असतानाच हरियाणाचा विपिन दहियाने 15 व्या मिनिटाला उकेलीपट काडुन खाली घेत घिस्सा डावावर बालाजी मेटकरला चित्त करून अस्मान दाखविले. दुसऱ्या क्रमाकांची कुस्ती कर्नाटकाचा मल्ल कार्तिक काटे विरूध्द पंजाबचा मल्ल सतपाल सिंग यांच्यात झाली. कर्नाटकाचा मल्ल कार्तिक काटेने पैलवान सतपाल सिंगवर बॅकथ्रो डावावर पराभव केला. तिसरी लढत धारवाड नागराज बसीडोनीने महाराष्ट्रच्या अभिजित देवकाटेवर विजय मिळविला. चौथी कुस्ती बेळगांवचा दसरा केसरी मल्ल शिवय्या पुजेरीने उत्तरप्रदेचा उदयकुमारवर विजय संपादन केला. पाचव्या लढतीत दावणगिरीचा मल्ल बसवराज पाटील व कंग्राळीचा मल्ल परशुराम जाधव यांच्या प्रदीर्घ वेळेनंतर बरोबरीत सोडविण्यात आली. सहाव्या लढतील कंग्राळीचा पैलवान कामेश पाटीलाने सांगलीचा वासीम पठाणवर विजय संपादन केला. या निकाली कुस्तीत बेळगाव, कोल्हापूर, धारवाड, मुधोळ, सांगली, दावणगिरी, कक्केरी, अथणी, रायबाग, खानापूर बिडी, चिक्कोडी, जमखंडी व विविध भागातून आलेल्या तीससहून अधिक मल्लांचे चटकदार कुस्त्या निकाली केल्या.
महिला विभाग
वीरयोध्दा संगोळळी रायण्णा मल्लम्मा उत्सवानिमित्त राज्यस्तरीय महिलांचा कुस्त्या ही बेळगाव जिल्हा प्रशासनाने आयोजन केले होते. यात हल्याळची महिला कुस्तीपट्टू प्रतिक्षा भोवीने महाराष्ट्रच्या मयूरी साळुंखेचा पराभव केला. दुसऱ्या लढत बेळगांवची राधिका तोंडीहाळ व महाराष्ट्रची स्मीता पाटील. व तिसरी लढत धारवाडी पैलवान काव्या दानन्नावर व खानापूरची पैलवान रूतिजा गुरव या दोन्ही लढत बरोबरीत साडविण्यात आल्या. चौथी लढत धारवाडची पुष्पाने हल्याळच्या गंगार्त्रीवर विजय संपादन केला. तर पाचवी लढतीत मुधोळची पैलवान भागश्रीने सुताळ हिच्यावर विजय संपादन केल