‘जेलर 2’मध्ये विद्या बालनची एंट्री

रजनीकांत यांचा चित्रपट, मिथुन चक्रवर्ती खलनायक

सुपरस्टार रजनीकांत यांचा 2023 मध्ये प्रदर्शित चित्रपट ‘जेलर’ बॉक्स ऑफिसवर सुपरहिट ठरला होता. या चित्रपटाचा आता सीक्वेल येणार आहे. रजनीकात यांचा हा चित्रपट पुढील वर्षी प्रदर्शित होणार आहे. आता जेलर 2 चित्रपटात विद्या बालनची एंट्री झाली असल्याचे समजते.

‘जेलर 2’ चित्रपटात विद्या बालन महत्त्वाच्या भूमिकेत दिसून येणार आहे. विद्या बालन या चित्रपटाद्वारे पुन्हा प्रेक्षकांच्या भेटीला येणार आहे. रजनीकात यात मध्यवर्ती भूमिका ‘टायगर’ मुथुवेल पांडियन म्हणून पुन्हा प्रेक्षकांच्या भेटीला येणार आहेत. टायगर आता मूर्ती तस्करी टोळीशी लढणार आहे. स्वत:च्या मुलाच्या मृत्यूनंतर मुथुवेलचे आयुष्य पूर्णपणे बदलून गेले असून यावर आधारित कहाणी सीक्वेलमध्ये दिसून येणार आहे.

अजित कुमार याच्या ‘निर्कोंडा पारवाई’ चित्रपटात छोटीशी भूमिका साकारल्यावर विद्या बालनचा हा दुसरा तमिळ चित्रपट असणार आहे. परंतु यावेळी ती मोठ्या भूमिकेत दिसणार आहे. विद्या या चित्रपटात मिथुन चक्रवर्ती साकारत असलेल्या भूमिकेच्या मुलीची भूमिका साकारणार आहे. रजनीकांत यांचा ‘जेलर 2’ हा चित्रपट पुढील वर्षी 12 जून रोजी प्रदर्शित होणार असल्याचे मानले जात आहे.