बिहार निवडणुकीतील विजयाचा खानापुरात विजयोत्सव साजरा

खानापूर : बिहार विधानसभा निवडणुकीत एनडीएचा मोठा विजय झाल्याने खानापूर भाजपच्यावतीने येथील राजा छत्रपती चौकात विजयोत्सव साजरा करण्यात आला. प्रथम शिवस्मारक येथील शिवाजी महाराजांच्या पुतळ्याला पुष्पहार घालून अभिवादन करण्यात आले. त्यानंतर राजा छत्रपती चौकात फटाक्यांची आतषबाजी करण्यात आली. आणि पेढे वाटून विजयोत्सव साजरा करण्यात आला. यावेळी भाजपचे जिल्हा उपाध्यक्ष प्रमोद कोचेरी, तालुका अध्यक्ष बसवराज सानिकोप, पंडित ओगले, मल्लाप्पा मारीहाळ, ज्येष्ठ नेते संजय कुबल, अॅड. चेतन मणेरीकर, अप्पय्या कोडोळी, किशोर हेब्बाळकर, प्रमोद लक्केबैलकर यासह पदाधिकारी व कार्यकर्ते मोठ्या संख्येने उपस्थित होते.