पशुवैद्यकीय दवाखाने 24 तास सुरू ठेवा

जनहित संरक्षण संघर्ष समितीची मागणी

बेळगाव : राज्य सरकारने 23 डिसेंबर हा दिवस शेतकरी दिन म्हणून जाहीर करावा, मानवी रुग्णालयाप्रमाणे पशुवैद्यकीय दवाखाने 24 तास सुरू ठेवावेत, प्रत्येक गावात गुरे चारण्यासाठी कुरण राखून ठेवावे, यासह इतर मागण्यांसाठी जनहित संरक्षण संघर्ष समिती ट्रस्ट सोरब (जि. शिमोगा) या संघटनेच्यावतीने सुवर्ण विधानसौधसमोर आंदोलन करण्यात आले. शेतकऱ्यांच्या विविध समस्यांसाठी त्यांनी आंदोलन केले. शेतकऱ्यांना शेतीबाबत योग्य मार्गदर्शन मिळत नसल्याने शेतीचे नुकसान होत आहे. त्यामुळे शेतकऱ्यांना शेतीबाबत मार्गदर्शन करून चांगले पीक घेणाऱ्या शेतकऱ्यांचा सन्मान करावा. तसेच शेतकऱ्यांना कचरा टाकण्यासाठी प्रत्येक गावामध्ये कचरा टाकण्याची व्यवस्था करावी, अशी मागणी संघटनेच्यावतीने करण्यात आली. यावेळी शेतकरी मोठ्या संख्येने उपस्थित हेते.