जलतरण स्पर्धेत वेदांत जाधवला कांस्य

बेळगाव : बेंगळूर येथे झालेल्या राज्यस्तरीय जलतरण स्पर्धेत पीएसए जलतरण अकादमीच्या वेदांत जाधव याने दोन कास्यपदक पटकावित यश संपादन केले आहे. बसवणगुडी जलतरण तलावात घेण्यात आलेल्या या स्पर्धेत वेदांत जाधवने 50 मी. फ्रिस्टाईलमध्ये कास्य, 200 मी. वैयक्तिक मिडलेमध्ये कास्य पदक पटकाविले आहे. त्याने केलेल्या या कामगिरीबद्दल सर्वत्र कौतुक होत असून त्याला प्रशिक्षक एनआयएस प्रशिक्षक संदीप मालाई, सचिन कुरुंदवाड यांचे मार्गदर्शन लाभत आहे.