वेदा, वरद खानोलकर यांची राष्ट्रीय स्पर्धेसाठी निवड

बेळगाव : बेंगळूर येथे सार्वजनिक शिक्षण खात्याच्यावतीने घेण्यात आलेल्या राज्यस्तरीय जलतरण स्पर्धेत बेळगाव जिह्याचे प्रतिनिधित्व करणाऱ्या जी. जी. चिटणीस शाळेचे जलतरणपटू वेदा खानोलकर आणि वरद खानोलकर यांनी उल्लेखनीय कामगिरी करीत आपली अखिल भारतीय राष्ट्रीय जलतरण स्पर्धेसाठी निवड झाली आहे. बेंगळूर-बसवनगुडी अॅक्वेटिक जलतरण सेंटर येथे झालेल्या राज्यस्तरीय जलतरण स्पर्धेत वेदा खानोलकर हिने 100 व 200 मी. बटरफ्लाय प्रकारात दोन सुवर्ण, 100 मी. मिडले रिले प्रकारात रौप्य, 100 मी. फ्रीस्टाईल रिले प्रकारात कांस्य, 50 मी. बटरफ्लाय प्रकारात कांस्यपदक मिळविले. वरद खानोलकरने 1 मी. स्प्रिंग बोर्ड डायव्हिंग व 3 मी. स्प्रिंग बोर्ड प्रकारात रौप्यपदक पटकावित उल्लेखनीय कामगिरी केली आहे. या खेळाडूंना शाळेचे क्रीडाशिक्षक जयसिंग धनाजी, शाळेच्या मुख्याध्यापिका डॉ. नवीन शेट्टीगार संस्थेचे अध्यक्ष चंद्रहास अणवेकर यांचे प्रोत्साहन लाभत आहे.