वैभव नाईक 24 ऑक्टोबरला उमेदवारी अर्ज दाखल करणार

कुडाळ प्रांताधिकारी कार्यालयात सकाळी 10 वाजता उपस्थित राहणार : मोठे शक्तिप्रदर्शन करणार

तालुका शिवसेनेची माहिती

मालवण/प्रतिनिधी
महाविकास आघाडीचे उमेदवार वैभव नाईक कुडाळ मालवण मतदार संघातून आपली उमेदवारी गुरुवार दिनांक 24 ऑक्टोबर रोजी सकाळी दहा वाजता कुडाळ प्रांत अधिकारी कार्यालयात दाखल करणार आहेत. यावेळी महाविकास आघाडीचे सर्व पदाधिकारी कार्यकर्ते मोठ्या संख्येने उपस्थित राहणार असल्याचे मालवण तालुका शिवसेनेच्या वतीने स्पष्ट करण्यात आले. सलग दोन वेळा आमदार म्हणून वैभव नाईक यांनी कामगिरी बजावली असून आता तिसऱ्यांदा त्यांना महाविकास आघाडीकडून संधी मिळाली असून ते आपला उमेदवारी अर्ज मोठे शक्तिप्रदर्शन करून भरणार आहेत. उमेदवारी अर्ज दाखल करण्याच्या पार्श्वभूमीवर आमदार वैभव नाही सोमवारी हिमालन तालुक्याचे दौऱ्यावर आले असता त्यांचे सर्वत्र उस्फुर्तपणे स्वागत करण्यात आले. यावेळी मोठ्या संख्येने कार्यकर्ते त्यांच्या दौऱ्यात सहभागी झाले होते.