वाई तालुक्यात होणार ''वाई स्वच्छता चषक स्पर्धा

सातारा । प्रतिनिधी

पंचायत समिती वाई यांच्या संयुक्त विद्यमाने वाई तालुक्यातील सर्व ग्रामपंचायती मध्ये वाई स्वच्छता चषक स्पर्धा राबविणेत येणार आहे . पाणी व स्वच्छता विभागांतर्गत स्वच्छ भारत मिशन हे अभियान देशपातळीवर अत्यंत प्रभावी पणे राबविण्याचे येत आहे. यामध्ये शासनाच्या निर्देशानुसार ग्रामीण भागातील लोकांचे आरोग्यमान उंचविण्याकरिता वैयक्तिक शोचालय ,सार्वजनिक शोचालय , घनकचरा व सांडपाणी व्यवस्थापन ,मैलागाळ व्यवस्थापन ,प्लास्टिक व्यवस्थापन व इ . अशा विविध उपाययोजना शासनामार्फत गावपातळीवर राबविण्यात येतात . याकरिता सदर योजनेच्या कामाला गती मिळणे तसेच तालुक्यातील स्वच्छतेविषयक भेडसावणाऱ्या समस्यांना आळा घालणे ,गावातील साथीचे रोगांवर उपाययोजना करणे ,गावातील ग्रामस्थांना स्वच्छतेचे महत्व पटवून देणे आवश्यक आहे . त्याकरिता वाई पंचायत समितीचे गटविकास अधिकारी मा .विजयकुमार परीट साहेब यांच्या संकल्पनेतून वाई स्वच्छता चषक स्पर्धे चा शुभारंभ वाई - खंडाळा -महाबळेश्वर विधानसभा मतदार संघाचे आमदार मा .श्री मकरंद (आबा ) यांच्या शुभहस्ते पंचायत समिती येथे करण्यात आला . वाई स्वच्छता चषक स्पर्धे अंतर्गत विशेष स्वच्छता अभियान दि .02 सप्टेंबर ते 15 ऑक्टोम्बर या कालावधी प्रति दिन नविन उपक्रम वेळापत्रकाप्रमाणे राबविण्यात येणार आहे . या स्पर्धे अंतर्गत उत्कृष्ट कामगिरी करणाऱ्या गावांचे पंचायत समिती वाई चे सहा .गटविकास अधिकारी मा .श्री .बाळासो जाधव , उपअभियंता (ग्रा .पा .पु ).मा .सुनील मेटकरी ,तालुका आरोग्य अधिकारी मा .श्री .यादव,गटशिक्षण अधिकारी मा .श्री .वाळेकर , तसेच सर्व विभागाचे खाते प्रमुख , विस्तार अधिकारी ,पर्यवेक्षिका ,शाखा अभियंता ,पाणी व स्वच्छता विभागाचे तालुका समन्वयक यांच्या मार्फत मूल्यांकन करण्यात येणार असून जास्त गुण प्राप्त करणाऱ्या तालुक्यातील तीन ग्रामपंचायतींना रोख रक्कम बक्षिस व सन्मान चिन्ह देऊन गौरविण्यात येणार आहे . त्या करिता गावातील गणेशोत्सव मंडळे ,युवा मंडळातील युवक ,गावामधील तरुण मुले ,मुली ,महिला आणि ग्रामस्थांनी हे अभियान यशस्वीपणे राबविण्याकरिता उत्फुर्तपणे सहभाग घेणेबाबत श्री .परीट यांनी सर्वांना आवाहन केले आहे.