केंद्रीय मंत्री जे. पी. नड्डा २३ रोजी गोव्यात

पणजी : भाजपचे राष्ट्रीय अध्यक्ष आणि केंद्रीय मंत्री जे. पी. नड्डा 23 ऑगस्ट रोजी गोव्यात येणार असून त्याच दिवशी ते गोवा प्रदेश भाजप मुख्यालयाची कदंब पठार येथे पायाभरणी करणार आहेत. त्यानंतर ते पक्षाचे गोवा राज्यातील नेते, आमदार, पदाधिकारी यांच्याशी बैठक घेऊन पक्षाच्या एकंदरीत कामगिरीचा आढावा घेणार आहेत. मुख्यमंत्री डॉ. प्रमोद सावंत, गोवा प्रदेश अध्यक्ष तथा खासदार सदानंद शेट तानावडे, पक्षाचे गोवा प्रभारी निरीक्षक आशिष सुद व इतर प्रमुख अधिकारी यावेळी उपस्थित राहणार आहेत. दक्षिण गोवा मतदारसंघात लोकसभा निवडणुकीत झालेल्या भाजपच्या पराभवाची मिमांसा ते करणार आहेत. सध्या भाजपचे मुख्यालय पणजी येथे कार्यरत असून ते अपुरे पडत असल्याने आता नवीन प्रशस्त मुख्यालय बांधण्यात येणार आहे.