युनियन जिमखाना अंतिम फेरीत

बेळगाव : युनियन जिमखाना संघाने पेरेंट्स चषक 14 वर्षाखालील मुलांच्या अंतर अकादमी एक दिवसीय चौरंगी क्रिकेट स्पर्धेत युनियन जिमखानाने हुबळीच्या चॅम्पयिन्स नेट संघावर 7 गड्यांनी विजय मिळवून अंतिम फेरीत प्रवेश केला. अष्टपैलू कामगिरी करणारा कौस्तुभ पाटील सामनावीर ठरला. युनियन जिमखाना आयोजित या स्पर्धेतील झालेल्या सामन्यात चॅम्पयिन्स नेट संघान नाणेफेक जिंकून प्रथम फलंदाजी करताना 40.2 षटकात सर्वगडी बाद 122 धावा केल्या. त्यात अक्षय एस बीने 5 चौकारांसह 29, यशराज ऊमलने 17, अखिलेश एसने 15 धावा केल्या.

युनियन जिमखानातर्फे कौस्तुभ पाटीलने तीन, साईराज पोरवाल व सुहास हिरेकोडी यांनी प्रत्येकी दोन तर मोहम्मद हमजा व शहऊख धारवाडकर यांनी प्रत्येकी एक गडी बाद केला. प्रत्युत्तरादाखल  खेळताना युनियन जिमखानाने 23.5 षटकात 3 गडी बाद 124 धावा करून सामना आरामात जिंकला. मोहम्मद हमजाने 7 चौकार व 1 षटकारांसह नाबाद 59, कौस्तुभ पाटीलने चार चौकारांसह 34 धावा केल्या. या दोघांनी तिसऱ्या गड्यासाठी 101 धावांची महत्त्वपूर्ण भागीदारी केली. चॅम्पयिन्स नेट संघातर्फे हर्षित इनामदार, प्रचित तेगी, जनक एल यांनी प्रत्येकी एक गडी बाद केले.