हलगानजीक अपघातात दोघे गंभीर

ऊसवाहू ट्रॅक्टर ट्रॉली उलटली : अपघातस्थळी अंधार असल्याने कार ट्रॉलीवर आदळली

बेळगाव : ऊसकांड्याची वाहतूक करणारी ट्रॅक्टर ट्रॉली रस्त्यावरच उटल्याने पाठीमागून येणारी कार त्यावर आदळली. त्यामुळे कारमधील दोघेजण गंभीर जखमी झाल्याची घटना पुणे महामार्गावरील हलगा ब्रीजवर घडली. अपघातील जखमींची नावे समजू शकली नाहीत. सदर अपघात रविवारी रात्री 10.30 वाजता घडला. अपघाताच्या ठिकाणी अंधार असल्याने पाठीमागून येणाऱ्या कार चालकाला ऊसकांड्या वाहतूक ट्रॅक्टर ट्रॉली उलटल्याचा अंदाज आला नाही. त्यामुळे कार ट्रॉलीवर आदळली. अपघात घडताच ट्रॉलीतील ऊसकांड्या महामार्गावर विखुरला गेल्यामुळे महामार्गावरील वाहतूक काही वेळ विस्कळीत झाली. त्यानंतर सर्व्हिस रोडवरुन वाहतूक वळविण्यात आली. अपघाताचे वृत्त बागेवाडी पोलिसांना समजताच पोलीस निरीक्षक तुकाराम निलगार, उपनिरीक्षक अविनाश ए. वाय. घटनास्थळी दाखल झाले. रात्री 12 वाजेपर्यंत जेसीबीच्या साहाय्याने महामार्गावरील ऊस बाजूला करून वाहतूक सुरळीत केली.