दोन खेळाडू युनिव्हर्सिटी ब्ल्यू

बेळगाव : केएलएस गोगटे कॉलेज येथे घेण्यात आलेल्या राणी चन्नम्मा विद्यापीठ व्हॉलीबॉल निवड चाचणीत सरकारी फर्स्ट ग्रेड बिडी कॉलेजच्या दोन खेळाडूंनी युनिव्हर्सिटी ब्ल्यू हा किताब पटकाविला. गोगटे कॉलेजच्या मैदानावरती राणी चन्नम्मा युनिव्हर्सिटीच्या महिलांच्या व्हॉलीबॉल स्पर्धा व निवड चाचणी घेण्यात आली. त्यामध्ये देमाक्का हिंडलकर व विजयालक्ष्मी गाडेकर या खेळाडूंनी आपल्या उत्तम खेळाचे प्रदर्शन सादर केले. त्यांनी केलेल्या कामगिरीची दखल घेऊन निवड समितीने या दोघींना राणी चन्नम्मा विद्यापीठाच्या संघात स्थान दिले आहे. त्या दोघींना प्राचार्य डॉ. नासिरअहमद जंगुभाई व क्रीडा निर्देशक डॉ. वेदराज एस. यांचे प्रोत्साहन मिळत आहे.