सुकेकुळण धारगळ अपघातात दोघे जखमी
दुचाकी-चारचाकीची समोरासमोर धडक
पेडणे : धारगळ ग्रामपंचायत क्षेत्रातील सुकेकुळण येथे मनोहर आंतरराष्ट्रीय मोपा विमानतळाजवळ शनिवारी संध्याकाळी दुचाकी आणि चारचाकी यांच्यात समोरासमोर झालेल्या अपघातात दुचाकीवरील दोघेजण गंभीर जखमी झाले. हे दोघे महाराष्ट्रातील वेंगुर्ले येथील असून त्यांना उपचारासाठी उत्तर गोवा म्हापसा येथील आझिलो इस्पितळ दाखल करण्यात आले. याबाबत प्राप्त माहितीनुसार, दुचाकीस्वार एमएच 07 एपी 5643 ही दुचाकीवरून सुकेकुळण येथून मनोहर आंतरराष्ट्रीय मोपा विमानतळावर कामासाठी जात होते. तर चारचाकी (जीए 03 व्ही 0585) ही रेंट अ कार मनोहर आंतरराष्ट्रीय मोपा विमानतळावरून भाडे घेऊन जाताना सुकेकुळण येथे रेल्वे पुलाजवळ महामार्गावर समोरासमोर धडक बसून अपघात झाला. ओव्हर टेक करण्याच्या नादात धडकली. चारचाकी दुचाकीला दुचाकीस्वार सिंधुदुर्ग जिह्यातील वेंगुर्ले येथील असून दोघेही मोपा विमानतळावर कामाला आहेत. दुचाकी चालक रामचंद्र मल्हार (23) आणि अशोक (24) हे दोघे गंभीर जखमी झाले. चारचाकी ही रेंट अ कार निकिता अगरवाल (25) नामक महिला चालवत होती. अपघातामुळे वाहतूक कोंडी झाली. पेडणे पोलिसांनी घटनास्थळी जाऊन अपघाताचा पंचनामा करून रस्ता वाहतुकीस मोकळा केला. या ठिकाणी अनेकवेळा अपघात घडतात काही महिन्यांपूर्वी अपघातात एकाचा बळी गेला होता.