आनंद अकादमीच्या दोन क्रिकेटपटूंची निवड

बेळगाव : कर्नाटक राज्य क्रिकेट संघटना मान्यताप्राप्त धारवाड विभागीय क्रिकेट संघटना आयोजित 16 वर्षांखालील क्रिकेट निवड चाचणीत बेळगावच्या आनंद क्रिकेट अकादमीच्या दोन क्रिकेटपटूंची धारवाड विभागीय संघात निवड झाली असून एका  खेळाडूची राखीव म्हणून निवड केली आहे. नुकत्याच झालेल्या निवड चाचणीमध्ये आनंद अकादमीचा खेळाडू हैदरअल्ली सय्यद व पृथ्वीराज गोल्याळी यांची धारवाड विभागीय संघात निवड झाली आहे. निवड झालेला संघ धारवाड येथे प्रशिक्षण शिबिरात भाग घेणार असून बेंगळूर येथे होणाऱ्या केएससीए आंतरविभागीय क्रिकेट स्पर्धेसाठी बेंगळूरला रवाना होणार आहे. या संघाच्या राखीव खेळाडूंच्या यादीत आनंद अकादमीचा स्कंद शेट्टीचा समावेश आहे. त्यांना आनंद करडी यांचे मार्गदर्शन लाभत आहे.