माजी मुख्यमंत्री मनोहर पर्रीकर यांची आज जयंती

पणजी : राज्य सरकारतर्फे माजी मुख्यमंत्री आणि माजी संरक्षणमंत्री स्व. मनोहर पर्रीकर यांची जयंती आज शनिवार दि. 13 डिसेंबर रोजी मिरामार, पणजी येथे त्यांच्या स्मृती स्थळाकडे पाळण्यात येणार आहे. यावेळी त्यांना आदरांजली देण्याचा कार्यक्रम होणार असून मुख्यमंत्री डॉ. प्रमोद सावंत आणि इतर मान्यवर मंडळी उपस्थित राहाणार आहेत. सकाळी 9.30 वा. हा कार्यक्रम होणार असून त्याबाबत राज्य सरकारच्या सर्वसाधारण प्रशासन खात्यातर्फे परिपत्रक जारी करण्यात आले आहे. सरकारी खात्यांचे सचिव, संचालक, इतर अधिकारी, कर्मचाऱ्यांनी उपस्थित राहावे, असे आवाहन त्या परिपत्रकातून करण्यात आले आहे. जीएडीच्या अवर सचिव श्वेता हरमलकर यांनी हे परिपत्रक काढले आहे.