ओटीटीवर येतेय ‘ठुकरा के मेरा प्यार’

आगामी सीरिज ‘ठुकरा के मेरा प्यार’च्या प्रदर्शनाची तारीख जाहीर झाली आहे. श्रद्धा पासी यांच्याकडून दिग्दर्शित सीरिज मनाला खडबडून जागी करणारी असल्याचे समजते. या सीरिजमध्ये कुलदीप (धवल ठाकूर) आणि शानविका (संचिता बासू) नावाच्या किशोरवयीनांची कहाणी दाखविण्यात आली आहे. जात वेगवेगळी असल्याने त्यांच्या वाटा वेगवेगळ्या होत असल्याचे यात दर्शविण्यात आले आहे. ही सीरिज उत्तरप्रदेशातील पार्श्वभूमीवर आधारित असल्याचे समजते. या सीरिजमध्ये एकीकडे प्रेमकथा आहे. तर दुसरीकडे फसवणुक आणि सूडाची कहाणी आहे. सीरिज 22 नोव्हेंबरपासून डिस्ने हॉटस्टारवर स्ट्रीम होईल. धवल ठाकूर आणि संचिता या सीरिजच्या माध्यमातून पदार्पण करणार आहेत. या सीरिजची निमिर्ती बॉम्बे शो स्टुडिओज एलएलपीकडून करण्यात आली आहे. कुलदीपच्या जीवनातील जटिलता समजून घेत स्वत:ला त्याच्याशी जोडले आहे. पटकथा, दिग्दर्शन आणि प्रक्रियेवर विश्वास ठेवला, यामुळे   व्यक्तिरेखेबद्दल प्रामाणिक राहण्यास मदत मिळाल्याचे धवलने सांगितले. तर शानविकाची व्यक्तिरेखा साकारणे चांगला अनुभव राहिल्याचे संचिताने म्हटले आहे.