चालत्या ट्रेनमधून पडून तीन शाळकरी मुली जखमी

सावंतवाडी रेल्वे स्टेशन वरील घटना : अपघातग्रस्तांच्या मदतीसाठी धावली सामाजिक बांधिलकी

सावंतवाडी - 

शनिवार दिनांक 9 नोव्हेंबर रोजी सकाळी नऊ वाजण्याच्या सुमारास सावंतवाडी रेल्वे स्टेशनवर गोवा- मडगाव येथे जाणाऱ्या रेल्वेमधून खाली उतरताना तीन शाळकरी मुली प्लॅटफॉर्मवर पडून जखमी झाल्या. त्यातील दोन मुलींच्या डोक्याला व तोंडाला मार लागला असून त्यांना तात्काळ सावंतवाडी उपजिल्हा रुग्णालयात दाखल करण्यात आले. या अपघाताची माहिती रेल्वे स्टेशन येथील स्टॉलधारक रेडीज यांनी सामाजिक बांधिलकीच्या रवी जाधव याना दिली . त्वरित सामाजिक बांधिलकीचे रवी जाधव व रूपा मुद्राळे यांनी अपघातग्रस्त तिन्ही मुलींना उपचारासाठी सावंतवाडी उपजिल्हा रुग्णालयात दाखल केले. प्राथमिक उपचारानंतर यातील दोन मुलींना अधिक उपचारासाठी गोवा - बांबोळी येथील रुग्णालयात हलविण्यात आले आहे.