मास्तमर्डीत तिघा मटका बुकींना अटक

बेळगाव : मास्तमर्डी ता. बेळगाव येथील मटका अड्ड्यावर सीसीबी पोलिसांनी छापा टाकून तिघा बुकींना अटक केली आहे. सोमवार दि. 13 रोजी ही कारवाई करण्यात आली असून नागप्पा तम्मण्णा गोलाई (वय 54) रा. मास्तमर्डी, सुरेश सिद्धप्पा कोलकार (वय 50) रा. बसरीकट्टी, नामदेव रा. तारीहाळ अशी त्यांची नावे असून त्यांच्याकडून 6 हजार 60 रुपयांची रोकड व 3000 रुपयांचा मोबाईल जप्त करण्यात आला आहे. मास्तमर्डी येथील कन्नड शाळेच्या पाठीमागील जागेत काहीजण मटका घेत आहेत, अशी खात्रीलायक माहिती सीसीबीचे पोलीस निरीक्षक नंदेश्वर कुंभार यांना मिळाली होती. त्यानुसार पोलीस उपनिरीक्षक मंजुनाथ बजंत्री व त्यांच्या सहकाऱ्यांनी वरील ठिकाणी छापा टाकून तिघांना अटक केली. त्यांच्याविरोधात मारिहाळ पोलीस स्थानकात गुन्हा दाखल करण्यात आला आहे.