अत्यंत अजब आहे हे घर

परीकथांमधील वर्णनाशी जुळणारे घर

स्पॅडेना हाउस पाहून सर्वांनाच अजब वाटणार आहे. बेवर्ली हिल्स कॅलिफोर्नियामध्ये हे विचित्र परीकथेसारखे घर चेटकिणीचे घर म्हणूनही ओळखले जाते. 1921 मध्ये निर्मित हे घर मूळ स्वरुपात मूकपटांसाठी एक स्टुडिओ कार्यालय म्हणून कार्य करायचे. याचे मनमोहक डिझाइन, एक झुकलेले छत आणि छोट्या खिडक्यांसोबत हे एखाद्या कहाणीच्या पुस्तकातून थेट बाहेर पडल्यासारखे वाटते. मागील काही वर्षांमध्ये हे एक लोकप्रिय स्थळ ठरले आहे, जे पर्यटक आणि स्थानिक लोकांना समान स्वरुपात आकर्षित करत आहे.

हे अनोखे घर मूळ स्वरुपात 1921 मध्ये इरविन विलॅटच्या चित्रपट स्टुडिओसाठी एक कार्यालय आणि ड्रेसिंग रुम म्हणून तयार करण्यात आले होते. हॅरी ओलिवर यांनी याचे डिझाइन केले होते. ऑलिवर हे हॉलिवूडमधील कला दिग्दर्शक होते. आणि त्यांना स्वत:च्या काल्पनिक रचनांसाठी ओळखले जात होते. स्पॅडेना हाउस स्टोरीबुक वास्तुकलेचे प्रारंभिक उदाहरण आहे. ही शैली 1920 आणि 1930 च्या  दशकात उदयास आली आणि याची परीकथेसारखी उपस्थिती हेच वैशिष्ट्या आहे.

या घराला नंतर बेवर्ली हिल्समधील वर्तमानस्थळी हलविण्यात आले. नंतर हे घर 1934 मध्ये कल्वर सिटीमधून बेवर्ली हिल्समध्ये वाल्ड्रेन ड्राइव येथे नेण्यात आले होते. स्पॅडेना हाउस एक खासगी निवासस्थान आहे. वर्तमान मालकाने आवश्यक नुतनीकरण करत याच्या मनमोहक आकर्षणाला कायम टिकविले आहे.

स्पॅडेना हाउसचे डिझाइन एखाद्या जादूपेक्षा कमी नाही. घरात एक गवताचे छत असून जे एका ग्रामीण आणि जुन्या काळाचे आकर्षण मिळवून देते. तसेच याला परीकथेसारखे स्वरुप प्राप्त करून देते. याच्या खिडक्या जाणूनबुजून वाकड्या तयार करण्यात आल्या ओत. छत आणि भिंतींवरील शिंगल्स आकर्षक असून ते वेगाचा भ्रम निर्माण करतात आणि घराला कहाणीतील पुस्तकासारखी जाणीव करून देतात.

घराला अत्यंत वेगळ्याप्रकारे निर्माण करण्यात आले होते. घरात लाकडी बीम आणि लोखंडाचे काम हाताने तयार करण्यात आले होते. यामुळे याचे अनोखे आकर्षण वाढले आहे. स्पॅडेना हाउसच्या आसपासचे उद्यानही आकर्षक असून ज्यात वळणदार मार्ग, मनमोहक मूर्ती आणि हिरवाई आहे. हीच वैशिष्ट्यो पर्यटकांसाठी हे स्थान आकर्षक करत आहेत.

स्पॅडेना हाउस ही वाकडी चिमणी, असमान छत आणि अन्य गोष्टींमुळे रंजक ठरते. घराच्या अंतर्गत भागातील बहुतांश फर्निचर कस्टम मेड आहे. घरात लपलेले  कोपरे आणि अन्य जागा असल्याने हे मजेशीर ठिकाण ठरते. स्पॅडेना हाउस हॅलोवीनदरम्यान ट्रिक-ऑर-ट्रीटर्ससाठी एक पसंतीचे ठिकाण आहे. या घराला ‘द विच हाउस’ असेही संबोधिले जाते. याचमुळे घराने अनेक हॅलोवीन सजावटीला प्रेरित केले आहे. फोटोग्राफरांसाठी हे एक लोकप्रिय स्थळ आहे.