‘द डे ऑफ जॅकल’चा ट्रेलर सादर

फ्रेडरिक फोर्सिथ यांच्या कादंबरीवर आधारित सीरिज

फ्रेडरिक फोर्सिथ यांच्या 1971 च्या ‘द डे ऑफ द जॅकल’ या कादंबरीवर आधारित नव्या सीरिजचा ट्रेलर प्रदर्शित करण्यात आला आहे. या ट्रेलरला पाहून प्रेक्षकांची उत्सुकता वाढली आहे. या सीरिजमध्ये एडी रेडमॅन एका मारेकऱ्याची भूमिका साकारत आहे. सर्वाधिक बोली लावण्यासाठी लक्ष्याला मारून स्वत:चे जीवन जगणाऱ्या मारेकऱ्याची ही भूमिका आहे.

सीरिजमध्ये लशाना लिच देखील दिसून येणार आहे. सीरिजमध्ये पोलीस अधिकाऱ्याची भूमिका ती साकारत आहे. सीरिजच्या ट्रेलरमध्ये मारेकऱ्याला शोधणाऱ्या पोलीस अधिकाऱ्याचे कसब दाखविण्यात आले आहे.

चार्ल्स डान्स, रिचर्ड डॉर्मर, उर्सुला कोरबेरो, चुकुडी इवुजी, लिया विलियम्स, खालिद अब्दुल्ला, एलेनोर मात्सुरा, जोंजो ओ नील, निक ब्लड, सुले रिमी या सीरिजमध्ये दिसून येणार आहेत. पीकॉक अँड स्कायची ही सीरिज फ्रेडरिक फोर्सिथ यांची कादंबरी आणि युनिवर्सल पिक्चर्सच्या 1973 मध्ये प्रदर्शित चित्रपटावर आधारित आधारित आहे.