‘फौजी 2’चा ट्रेलर सादर

शाहरुख खानच्या मालिकेच्या सीक्वेल

शाहरुख खानने प्रारंभिक काळात काही हिंदी मालिकांमध्ये काम केले होते. यातील ‘फौजी’ या मालिकेला प्रेक्षकांचे मोठे प्रेम लाभले होते. आता या मालिकेचा सीक्वेल येणार आहे. ‘फौजी 2’चा ट्रेलर सादर करण्यात आला असून यात गौहर खान, विक्की जैन समवेत अनेक नवे चेहरे दिसून येणार आहेत.

फौजी या सीरियलमध्ये काम केल्यामुळेच शाहरुख खानची लोकप्रियता वाढली होती आणि त्याला बॉलिवूडमध्ये काम मिळू लागले होते. फौजी एक भावना आहे, याचमुळे सर्वांच्या मनात महत्त्वाचे स्थान मिळविलेल्या शोचे महत्त्व कायम राखण्याची आम्हा सर्वांची जबाबदारी असल्याचे उद्गार गौहर खानने काढले आहेत.

फौजी स्वत:च्या काळातील सर्वात यशस्वी सीरियल्सपैकी एक होती. फौजीचे मूळ स्वरुप कायम ठेवत त्याच्या नव्या वर्जनसोबत पुन्हा एकदा त्याचप्रकारे अनुभव देण्यासाठी आम्ही तयार आहोत असे दूरदर्शनचे सीईओ गौरव द्विवेदी यांनी म्हटले आहे.

संदीप सिंह यांनी फौजी 2 या शोची निर्मिती केली आहे. तर विक्की जैन याचा सहनिर्माता आहे. अभिनव पारीक यांनी याचे दिग्दर्शन केले आहे. हा शो 18 नोव्हेंबरपासून दूरदर्शनवर पाहता येणार आहे. या शोच्या शीर्षक गीताला सोनू निगमने स्वत:चा आवाज दिला आहे. फौजी 2 हा शो केवळ हिंदी नव्हे तर गुजराती, तमिळ, तेलगु, बंगाली आणि पंजाबी भाषेतही सादर केला जाणार आहे.