‘घाटी’ चित्रपटात अनुष्का शेट्टी

अभिनेत्रीचे चित्रपटातील पोस्टर सादर

अभिनेत्री अनुष्का शेट्टी हिला तिच्या कसदार अभिनयासाठी ओळखले जाते. बाहुबली या चित्रपटामुळे तिचा देशभरात मोठा चाहतावर्ग निर्माण झाला आहे. अभिनेत्रीचा आगामी चित्रपट ‘घाटी’ लवकरच प्रदर्शित होणार आहे. निर्मात्यांनी या चित्रपटाचा फर्स्ट लुक पोस्टर सोशल मीडियावर शेअर केला आहे.

या पोस्टरमध्ये अनुष्काच्या तोंडात सिगार, डोळ्यांमध्ये अंगार आणि रक्ताने माखलेला लुक चाहत्यांचे लक्ष वेधून घेत आहे. व्हिक्टिम क्रिमिनल आणि लिजेंड असे याच्या कॅप्शनदाखल म्हटले गेले आहे. घाटी या चित्रपटासोबत अनुष्काच आगामी चित्रपट ‘द वाइल्ड स्कोरर’ची घोषणा करण्यात आली आहे. या चित्रपटात ती अभिनेत्री निला या व्यक्तिरेखेत दिसून येणार आहे.

अनुष्काच्या ‘घाटी’ चित्रपटाचा टीझरही प्रदर्शित करण्यात आला आहे. टीझर पाहून तिच्या चाहत्यांची उत्सुकता वाढली आहे. चाहते आता तिच्या या चित्रपटाच्या प्रदर्शनाची आतुरतेने प्रतीक्षा करत आहेत. अनुष्का ही दक्षिणेतील नावाजलेली अभिनेत्री असून तिचे कोट्यावधीच्या संख्येत चाहते आहेत.