शेअरबाजारात दुसऱ्या दिवशी पडझड सुरुच

फेडरल निर्णयाबाबत चिंता, सेन्सेक्स 436 अंकांनी नुकसानीत

मुंबई :

शेअर बाजारात सलग दुसऱ्या दिवशी घसरण अनुभवायला मिळाली. सेन्सेक्स 436 अंकांनी घसरला होता. आयटी समभागांवर दबावाचे वातावरण मंगळवारी होते.

याचदरम्यान मंगळवारी सरतेशेवटी मुंबई शेअरबाजाराचा 30 समभागांचा सेन्सेक्स निर्देशांक 436 अंकांनी घसरत 84666 च्या स्तरावर बंद झाला तर दुसरीकडे राष्ट्रीय शेअर बाजाराचा निफ्टी निर्देशांक 120 अंकांनी घसरत 25839 अंकांवर बंद झाला. बँक निफ्टी निर्देशांक 19 अंकांनी घसरत 59222 अंकांवर बंद झाला होता. निफ्टी स्मॉलकॅप100 194 अंकांनी वाढत 17245 वर स्थिरावला होता.

सेन्सेक्समध्ये 30 पैकी 22 समभाग नुकसानीसह तर 8 समभाग तेजीसह बंद झाले. एशियन पेंटस्चा समभाग सर्वाधिक घसरणीत होता. अमेरिकेतील फेडरल रिझर्व्हच्या निर्णयाची अनिश्चितता, भारताच्या तांदळाच्या निर्यातीबाबत चिंता ही कारणे बाजाराला नकारात्मकता प्राप्त करण्यासाठी कारणीभूत ठरली. जागतिक बाजारात सर्वदूर घसरण होती.

हे समभाग तेजीत

मंगळवारी सलग दुसऱ्या सत्रात भारतीय शेअर बाजारात घसरण दिसून आली. समभागांची कामगिरी पाहता इटर्नल, टायटन, श्रीराम फायनान्स, अदानी पोर्ट, इंडिगो, बीईएल, ओएनजीसी, नेस्ले, कोल इंडिया, बजाज फिनसर्व्ह, एसबीआय, भारती एअरटेल, अॅक्सिस बँक, एनटीपीसी, ग्रासिम यांचे समभाग तेजीसह बंद झाले आहेत. मिडकॅप निर्देशांकातले वोडाफोन आयडिया, डिलीव्हरी, बंधन बँक, ट्युब इन्वेस्टमेंटस् व गोजरेज प्रॉपर्टीज यांचे समभाग तेजीसोबत बंद झाले.

हे समभाग घसरणीत

दुसरीकडे कोटक महिंद्रा बँक, आयटीसी, आयशर मोटर्स, ट्रेंट, एचडीएफसी लाइफ, एचयुएल, मॅक्स हेल्थकेअर, सिप्ला, रिलायन्स, टीसीएस, बजाज फायनान्स, सनफार्मा, इन्फोसिस, बजाज ऑटो, एसबीआय लाइफ, जियो फायनॅन्शीयल, जेएसडब्ल्यू स्टील, विप्रो, डॉ. रे•िज लॅब्ज, एचसीएल टेक, टेक महिंद्रा, एशियन पेंटस्, महिंद्रा आणि महिंद्रा, टाटा स्टील यांचे समभाग घसरणीसह बंद झाले. मिडकॅप निर्देशांकात पाहिल्यास कोफोर्ज, भारती हेक्साकॉम, टाटा केमिकल्स, पतंजली फुडस यांचे समभाग घसरणीत होते.

क्षेत्राच्या निर्देशांकांची कामगिरी

विविध निर्देशांकांच्या कामगिरीकडे पाहता सीपीएसई, एनर्जी, इन्फ्रा, रिअल्टी यांचे निर्देशांक तेजीसोबत बंद झाले तर दुसरीकडे ऑटो, कमोडिटीज, एफएमसीजी, फायनॅन्शीयल्स, मेटल, ऑइल अँड गॅस, फार्मा, आयटी या क्षेत्रांचे निर्देशांक घसरणीसोबत बंद झाले.