‘वी किल्ड अंजी अलेक्झेंडर’वर येतेय सीरिज

भारतीय अभिनेत्रीच्या हत्येवर आधारित कहाणी

कादंबरीवर चित्रपट किंवा सीरिज तयार होणे नवी गोष्ट नाच. आता आणखी एका कादंबरीवल वेबसीरिज तयार केली जाणार आहे. सोनी पिक्चर्स टेलिव्हिजनने  वी किल्ड अंजी अलेक्जेंडर या कादंबरीचे अधिकार प्राप्त केले आहेत.

वी किल्ड अंजी अलेक्जेंडर या कादंबरीचे लेखन मीरा जॅकब यांनी केले आहे. त्या एक अमेरिकन लेखिका असून त्यांनी यापूर्वी द स्लीपवॉकर्स गाइड टू डान्सिंग आणि गुड टॉक : ए मेमॉयर इन कनवर्सेशन्स नावाच्या दोन कादंबरी लिहिल्या आहेत. मीरा यांची वी किल्ड अंजी अलेक्जेंडर ही कादंबरी अद्याप प्रकाशित झाली नाही. ही कादंबरी 2026 मध्ये प्रकाशित केली जाणार आहे.

या कादंबरीत एका भारतीय अभिनेत्रीच्या हत्येवर आधारित कहाणी आहे. ही एक रहस्याने भरलेली कहाणी असून हत्येमागे कोण या प्रश्नाचे उत्तर शोधण्यावर ही कहाणी गुंफलेली आहे. मीरा जॅकब यांना यापूर्वी टाटा फर्स्ट लिटरेचर पुरस्कार आणि बार्न्स अँड नोबल डिस्कव्हर न्यू रायटर्सकडून गौरविण्यात आले आहे. तर त्यांच्या एका कादंबरीला सर्वोत्कृष्ट पुस्तक ठरविण्यात आले होते.