मीना कुमारींच्या व्यक्तिरेखेत कियारा

चित्रपटाशी जोडले गेले नाव

दिर्ग्शक सिद्धार्थ मल्होत्रा स्वत:चा आगामी चित्रपट ‘कमाल और मीना’मध्ये चित्रपट निर्माते कमाल अमरोही आणि अभिनेत्री मीना कुमारी यांची प्रेमकहाणी मांडणार आहेत. हा चित्रपट 2026 मध्ये प्रदर्शित होणार आहे. या चित्रपटात मीना कुमारी यांच्या व्यक्तिरेखेसाठी अभिनेत्री कियारा अडवाणीची निवड करण्यात आल्याचे समजते.

चित्रपटाची घोषणा करत निर्मात्यांनी सोशल मीडियावर एक मोठी पोस्ट केली आहे. या पोस्टमधूनच त्याने कियाराची निवड केल्याचे संकेत दिले आहेत. कमाल आणि मीना कुमारी यांच्यात आदान-प्रदान करण्यात आलेल्या 500 हून अधिक हस्तलिखित पत्रांसोबत त्यांच्या जीवनाचा तपशील देणाऱ्या वैयक्तिक दस्तऐवजांमुळे आम्हाला प्राप्त अंतर्दृष्टी आणि शोध हा अमूल्य आहे. या अविश्वसनीय सत्य कहाणीला दिग्दर्शित करणे मोठे सुदैव आहे, परंतु जबाबदारीही मोठी असल्याचे सिद्धार्थ मल्होत्रा यांनी म्हटले आहे.

तर फॅशन डिझाइनयर मनीष मल्होत्रा यांनीही मीना कुमारींच्या जीवनावर एक बायोपिक घोषित केला आहे. यात अभिनेत्री क्रीति सेनॉन मुख्य भूमिकेत आहे. या चित्रपटाचे चित्रिकरण 2025 मध्ये सुरू होणार आहे. कियारा अन् क्रीति या दोघी मीना कुमारींची व्यक्तिरेखा साकारणार असल्याने त्यांच्या अभिनयक्षमतेचा कस लागणार आहे.