कंदिलांचे शहर या नावाने प्रसिद्ध ठिकाण
होई एन हे व्हिएतनाममधील सर्वात अद्भूत शहर आहे. हे क्वांग नेम प्रांतात थू बॉन नदीच्या काठावर वसलेले शहर आहे. सूर्यास्त होताच शहरातील रस्ते आणि बाजारपेठ कंदिलांच्या प्रकाशाने उजळून निघते, अशाप्रकारे येथील लोक मंद चमकणाऱ्या रंगबिरंगी ‘जादुई’ प्रकाशात बुडून जातात. व्हिएतनाममधील सर्वात अनोखे शहर होई एनला कंदिलांचे शहर म्हणूनही ओळखले जाते. थू बॉन नदी होई एनची जीवनधारा आहे. येथे स्थानिक लोक पर्यटकांना कंदिलांच्या प्रकाशात नौकांमधून नदीची सैर घडवून आणत असतात. होई एन सिटीतील नदीवर असलेल्या शेकडो नौका आणि कंदिलांचा प्रकाश पाहणे अत्यंत आनंददायी असते. पूर्ण शहर कंदिलांच्या प्रकाशात जिवंत वाटू लागते. हे अद्भूत दृश्य पाहण्यासाठी दरवर्षी लाखो पर्यटक येथे येत असतात. होई एन हे प्राचीन शहर असून अनेक वर्षांपासून व्हिएतनाममध्ये एक प्रसिद्ध आणि मनमोहक पर्यटनस्थळ राहिले आहे.