महापालिका आयुक्तांनी जाणून घेतल्या स्वच्छता कर्मचाऱ्यांच्या समस्या

बेळगाव : महापालिका आयुक्त शुभा बी. यांनी मंगळवारी स्वच्छता कर्मचाऱ्यांशी संवाद साधला. कर्मचाऱ्यांना स्वच्छता करताना येणाऱ्या समस्या तसेच त्यांना आवश्यक असलेल्या सुविधा याविषयी बैठकीदरम्यान चर्चा करण्यात आली. नवीन आयुक्त रुजू झाल्यानंतर त्यांनी पहिल्यांदाच स्वच्छता कर्मचाऱ्यांशी संवाद साधून विश्वास निर्माण करण्याचा प्रयत्न केला. कुमार गंधर्व रंगमंदिर येथे झालेल्या या कार्यक्रमाला महापालिकेचे अधिकारी उपस्थित होते. स्वच्छता करताना आरोग्याच्या समस्या निर्माण होऊ नयेत, यासाठी हातमोजे, बूट, तसेच पावसाळ्याच्या दिवसात रेनकोट घालण्याची सूचना कर्मचाऱ्यांना करण्यात आली. यावेळी आरोग्य अधिकारी डॉ. संजीव नांद्रे, हणुमंत कलादगी यांच्यासह इतर अधिकारी उपस्थित होते.