न्यू डॅझलिंग डिझायर कारचे शांतेशा मोटर्समध्ये लाँचिंग

बेळगाव : शांतेशा मोटर्सच्या वैभवनगर येथील शोरुममध्ये ‘न्यू डॅझलिंग डिझायर’ या नवीन कारचे लाँचिंग करण्यात आले. बालदिनाचे औचित्य साधून लहान मुलांच्या हस्ते हे लाँचिंग झाले. याप्रसंगी शांतेशाचे विशेष ग्राहक आणि अन्य मान्यवर उपस्थित होते. यावेळी मान्यवर अभय, जनरल मॅनेजर रुथ, सेल्स मॅनेजर मुझफर, साहाय्यक सेल्स मॅनेजर प्रविण, सतिश व इंद्रभूषण उपस्थित होते. डिझायरमधील हे चौथे अॅडिशन आहे. या कारला सुरक्षेसंदर्भात फाईव्ह स्टार रेटिंग देण्यात आले आहे. आतापर्यंत 27 लाख ग्राहकांनी या कारचा वापर केला आहे. झेड सिरीज इंजिनमुळे इंधनाची बचत होणार आहे. यामध्ये कंपनीने अनेक नवे बदल केले आहेत. कारमध्ये इलेक्ट्रिक सनरुफ, 9 इंच स्मार्ट प्ले प्रो, 6 एअर बॅग यासह इतर सुविधा देण्यात आल्या आहेत. शुभारंभादिवशीच शांतेशा मोटर्समध्ये 15 हून अधिक कारचे बुकिंग करण्यात आले आहे. ग्राहकांचा प्रतिसाद पाहून अनेक रंगांमध्ये ही गाडी उपलब्ध आहे. यावेळी ग्राहक तसेच शांतेशाचे कार्यकारी संचालक, व्यवस्थापक व अन्य अधिकारी, कर्मचारी उपस्थित होते.