दुचाकी घसरल्याने जवान गंभीर जखमी

मजगाव : पिरनवाडी-खानापूर रोड येथे छ. शिवाजी चौकातील क्रांतीवीर संगोळ्ळी रायण्णा पुतळ्यानजीक दुचाकी घसरल्याने मंगळवारी सायंकाळी पाचच्या दरम्यान सीआरपीएसचे पोलीस दीपक अण्णाप्पा अदुके (वय 40) हे गंभीर जखमी झाले. त्यांच्या उजव्या पायाला जबर दुखापत झाली आहे. दीपक अदुके हे मच्छे येथील कार्यालयात जात असताना हा अपघात घडला. येथे उपस्थित असलेले वडगाव ग्रामीण पोलीस स्टेशनचे एएसआय इनामदार व पोलीस राजकुमार पाटील यांनी तातडीने रुग्णवाहिका बोलावून त्या जवानाला सिव्हिल हॉस्पिटलमध्ये पाठविले. या चौकात पूर्णवेळ वाहतूक नियंत्रणासाठी पोलिसाची नेमणूक करावी, अशी मागणी नागरिकांनी केली जात आहे.