अंतिम सत्र औषध-धातू क्षेत्रांमुळे सावरले
जागतिक पातळीवरील वातावरणाचा सकारात्मक परिणाम
मुंबई : भारतीय भांडवली बाजारात चालू आठवड्यातील अंतिम सत्रात
शुक्रवारी जागतिक बाजारातील मजबूत संकेतांमुळे, सेन्सेक्स आणि निफ्टी यांचे निर्देशांक हे तेजीसह बंद झाले आहेत. दरम्यान औषध आणि धातू समभागांमधील विक्रीमुळे आणखी प्राप्त होणाऱ्या तेजीवर काहीशी मर्यादा राहिल्याचे दिसून आले.
दिग्गज कंपन्यांच्या मदतीने बीएसई सेन्सेक्स 80,300.19 वर मजबूतीने उघडला. अंमित क्षणी मात्र सेन्सेक्स 259.75 अंकांनी वधारुन निर्देशांक 0.32 टक्क्यांसह 80,501.99 वर बंद झाला. दुसऱ्या बाजूला राष्ट्रीय राष्ट्रीय शेअर बाजाराचा निफ्टा अखेर 12.50 अंकांच्या किरकोळ वाढीसह 24,346.70 वर बंद झाला. सेन्सेक्समध्ये समाविष्ट असलेल्या समभागांमध्ये, अदानी पोर्ट्स सर्वात जास्त वाढले. मजबूत तिमाही निकालांमुळे अदानी ग्रुपचे समभाग हे 5 टक्क्यांहून अधिक वधारले. बजाज फायनान्स, इंडसइंड बँक आणि मारुती सुझुकी हे सर्वाधिक तेजीसह बंद झाले आहेत. दुसरीकडे, नेस्ले इंडिया, एनटीपीसी, भारती एअरटेल, अल्ट्राटेक आणि हिंदुस्थान युनिलिव्हरचे निर्देशांक सर्वाधिक तोट्यात होते.
निफ्टी मिडकॅप्समध्ये घसरण, स्मॉलकॅप्समध्ये वाढ ब्रॉड मार्केटमध्ये, निफ्टी मिडकॅप 100 0.5 टक्क्यांनी घसरले. तर निफ्टी स्मॉलकॅप 100 निर्देशांक 0.24 टक्क्यांनी वधारला. याशिवाय, निफ्टी आयटी, ऑटो, बँक आणि ऑइल अँड गॅस निर्देशांक वाढले. तर ऊर्जा, एफएमसीजी, फार्मा आणि रिअल्टी रेड झोनमध्ये राहिले.
एलकेपी सिक्युरिटीजचे वरिष्ठ तांत्रिक विश्लेषक रूपक डे म्हणाले, ‘निफ्टी निर्देशांकाला आठवड्यात अस्थिर व्यवहारांचा सामना करावा लागला आहे. 24,550 पातळीजवळ नकार मिळाल्यानंतर त्यात मोठी घसरण झाली. दैनिक चार्टवरील एक लांब वरची विक मेणबत्ती दर्शवते की वरच्या पातळीवर विक्रीचा दबाव वाढत आहे.’
जागतिक बाजारपेठांमध्ये....
गुरुवारी अमेरिकन बाजारपेठा वधारल्या. नॅस्डॅक 1.52 टक्के , डाऊ जोन्स 0.21 टक्के आणि एस अँड पी 500 निर्देशांक 0.63 टक्केवर बंद झाला, ज्यामुळे टेक स्टॉक्समध्ये वाढ झाली. अमेरिकेतील 10 वर्षांच्या ट्रेझरी बाँड उत्पन्नात 4.23 टक्क्यांची वाढ झाली, तर मार्चमध्ये आर्थिक मंदी आणि महागाई स्थिर राहण्याची चिन्हे होती. दुसरीकडे, व्यापार तणाव कमी झाल्यामुळे आणि चीनमधील सुट्ट्यांमुळे सुरक्षित-निवास सोने दोन आठवड्यांच्या नीचांकी पातळीवर घसरले.