चिनी ‘एआय’च्या प्रवेशाने अमेरिकन बाजार कोलमडला

नवी दिल्ली :

चीनच्या आर्टिफिशियल इंटेलिजेंस (एआय) मॉडेल डीपसीकने जागतिक बाजारात प्रवेश केल्याने अमेरिकन टेक क्षेत्रातील कंपनी एनव्हीडियाचे मूल्य सुमारे 600 अब्ज डॉलर्सने (51.31 लाख कोटी रुपये) कमी झाले. एआय डीपसीक भारतात अॅपल आयओएसवर सर्वाधिक डाउनलोड केलेले अॅप बनले असून याने अशाप्रकारे चॅटजीपीटी आणि जेमिनीला मागे टाकले. चीनच्या एआय स्टार्टअप डीपसीकने जगात धुमाकूळ घातला आहे.

अमेरिकन बाजार 3 टक्क्यांनी घसरला

एनव्हीडियाचे मूल्य 51.31 लाख कोटी रुपयांनी घसरले असून अमेरिकेचे अध्यक्ष डोनाल्ड ट्रम्प यांनी वक्तव्य करताना सावध होण्याची वेळ आली आहे, असे म्हटले आहे. चीनच्या आर्टिफिशियल इंटेलिजेंस (एआय) मॉडेल डीपसीकच्या प्रवेशामुळे सोमवारी अमेरिकन टेक कंपनी एनव्हीडियाचे मूल्य सुमारे 600 अब्ज (51.31 लाख कोटी रुपये) ने घसरले. अमेरिकेच्या इतिहासातील कोणत्याही कंपनीसाठी ही एक दिवसाची सर्वात मोठी घसरण आहे.

भारतात सर्वाधिक डाउनलोड केलेले अॅप

एआय डीपसीक भारतात अॅपल आयओएसवर सर्वाधिक डाउनलोड केलेले पाहायला मिळाले. याने चॅटजीपीटी आणि जेमिनीला मागे टाकले आहे. ते भारतात अॅपल आयओएसवर सर्व श्रेणींमध्ये सर्वाधिक डाउनलोड केलेले अॅप बनले आहे. हा डेटा सेन्सर टॉवरने जारी केला आहे.

102 वरुन आघाडीवर

लाँच झालेले डीपसीक एआय असिस्टंट 25 जानेवारी रोजी डाउनलोड रँकमध्ये 102 व्या क्रमांकावर होते. परंतु ते 27 जानेवारी रोजी अव्वल स्थानावर पोहोचले आणि 28 जानेवारी रोजीही त्यांनी आपली आघाडी कायम ठेवली. ते चॅटजीपीटी (8 वे स्थान) आणि गुगल जेमिनी (13 वे स्थान) यांच्यापेक्षा खूप पुढे आहे. डीपसीक एआय असिस्टंट हे कमी किमतीचे चिनी एआय आहे. डीपसीक 10 जानेवारी रोजी जागतिक स्तरावर रिलीज झाले आणि त्याचे अपडेट 27 जानेवारी रोजी आले. या डीपसीकचे संस्थापक उद्योजक लियांग वेनफेंग हे आहेत.

भारतीय तंत्रज्ञान कंपन्यांचे आश्चर्यकारकपणे मौन

जागतिक तंत्रज्ञान कंपन्या चीनच्या एआय ओपन सोर्स लार्ज लँग्वेज मॉडेल डीपसीकच्या परिणामाशी टक्कर देत आहेत. तसेच यावर, भारतीय तंत्रज्ञान कंपन्या आणि स्टार्टअप्स चीनच्या यशाबद्दल आश्चर्यकारकपणे मौन बाळगून आहेत.

उद्योग तज्ञ, गुंतवणूकदार आणि विश्लेषक सहमत आहेत की डीपसीकच्या यशामुळे एआय सर्वांना उपलब्ध होतो. एंटरप्राइझ आयटी वातावरणावर (विशेषत: प्रमुख आयटी सेवा कंपन्या) याचा काय परिणाम होईल हे पाहणे आणि समजून घेणे बाकी आहे.

आनंद राठी यांच्या ‘जेनी वेव्ह: इंडियन आयटीज नेक्स्ट फ्रंटियर’ या अहवालात असे म्हटले आहे की, मेटा आणि मायक्रोसॉफ्ट सारख्या अमेरिकन तंत्रज्ञान दिग्गजांना त्यांचे वर्चस्व टिकवून ठेवण्यासाठी संघर्ष करावा लागत आहे, तर त्याचा परिणाम भारतीय आयटी उद्योगात जाणवत आहे. डीपसीकचे ओपन सोर्स मॉडेल मेटा सारख्या दिग्गज अमेरिकन टेक कंपन्यांना आव्हान देत आहे, ज्या एआयवरील त्यांचा वार्षिक खर्च 65 अब्ज डॉलरपर्यंत वाढवत आहेत.

पारेख कन्सल्टिंग आणि ईआयआयआर ट्रांजेचे संस्थापक पारेख जैन म्हणाले, ‘डीपसीकचे यश अभूतपूर्व आहे. याचा अर्थ असा की भारतीय तंत्रज्ञान उद्योगाकडे काम करण्यासाठी अधिक एआय मॉडेल्स असतील. पण त्यांचे उद्योग वातावरण वेगळे आहे. भारतीय आयटी कंपन्या नियंत्रित उद्योगांसोबत काम करतात. त्यामुळे त्यांना काही काळ वाट पहावी लागू शकते. अनेकांना भीती वाटते की भारत एआयच्या या शर्यतीत मागे पडू शकतो.