टाटा मोर्ट्सच्या विभाजनाचा कंपनीला फायदा?

कंपनी लवकरच दोन सूचीबद्ध युनिटमध्ये विभागणार : टाटा सन्सचे अध्यक्ष एन चंद्रशेखरन यांची माहिती

नवी दिल्ली :

देशांतर्गत वाहन निर्मिती कंपनी टाटा मोटर्स लवकरच दोन सूचीबद्ध युनिटमध्ये विभागली जाणार आहे. अशा स्थितीत कंपनीला फायदा होणार का, असा प्रश्न उपस्थित होत आहे. टाटा मोटर्सचे अध्यक्ष एन चंद्रशेखरन यांनी सांगितले की, यामुळे ईव्ही आणि स्वयंचलित वाहनांच्या क्षेत्रात प्रवासी वाहन आणि जेएलआर विभाग यांच्यातील समन्वय साधण्यास मदत होणार असल्याचे त्यांनी म्हटले आहे.

नोकरदार आणि ग्राहकांना फायदा होईल

टाटा मोर्ट्सच्या 79 व्या वार्षिक सर्वसाधारण सभेला संबोधित करताना चंद्रशेखरन म्हणाले की, प्रस्तावित विभाजनामुळे आता प्रत्येक ग्राहकाला चांगला अनुभव मिळेल. याशिवाय, कर्मचाऱ्यांसाठी चांगली वाढ आणि भागधारकांसाठी चांगले मूल्य वाढण्याची शक्यता वाढेल.

मोटर्सचे चेअरमन एन चंद्रशेखरन म्हणाले, या हालचालीमुळे प्रवासी वाहने, इलेक्ट्रिक वाहने (ईव्हीएस) आणि जेएलआर विशेषत: ईव्हीएस स्वयंचलित वाहने  आणि वाहन सॉफ्टवेअर क्षेत्रात उत्तम समन्वय सुनिश्चित करण्यात मदत होणार असल्याचेही त्यांनी म्हटले आहे.

कंपनीचे दोन भाग का होत आहेत?

हे लक्षात घेण्यासारखे आहे की या वर्षी मार्चमध्ये, टाटा मोटर्सने त्यांच्या व्यावसायिक आणि प्रवासी वाहन विभागांचे दोन स्वतंत्र युनिट्समध्ये विभाजन करण्याची घोषणा केली होती जेणेकरून वाढीच्या संधींचा अधिक चांगला फायदा घ्या. या योजनेंतर्गत, व्यावसायिक वाहन व्यवसाय आणि त्याच्याशी संबंधित गुंतवणूक एका कंपनीचा भाग असेल, तर प्रवासी वाहन व्यवसाय, ज्यामध्ये इलेक्ट्रिक वाहने, जग्वार लँड रोव्हर आणि संबंधित गुंतवणूक समाविष्ट आहेत, दुसऱ्या सूचीबद्ध कंपनीचा भाग बनतील.

तीन व्यवसायांची आर्थिक स्थिती बदलेल : अध्यक्ष चंद्रशेखरन

चंद्रशेखरन यांनी भागधारकांना सांगितले की हे तिन्ही व्यवसाय त्यांचे आर्थिक सामर्थ्य सुधारण्यावर आणि ग्राहकांचा अनुभव वाढवण्यावर भर देत राहतील. त्यांनी प्रवासी वाहन व्यवसायाचा विशेष उल्लेख केला आणि सांगितले की या विभागाचा भर बाजारपेठेतील वाढ, तंत्रज्ञान आणि ब्रँड नेतृत्व यावर असेल. या व्यवसायात स्पर्धात्मक राहण्यासाठी, कंपनी उत्पादने, प्लॅटफॉर्म, इलेक्ट्रिक आणि इलेक्ट्रॉनिक पायाभूत सुविधा आणि वाहन सॉफ्टवेअरमध्ये गुंतवणूक करणे सुरू ठेवेल.