टेस्लाची शोरुमसाठी दिल्लीत चाचपणी

यापूर्वी कंपनीने भारतात प्रवेश करण्याची योजना रद्द केली होती

नवी दिल्ली :

एलॉन मस्कची इलेक्ट्रिक वाहन निर्माती कंपनी टेस्लाने नवी दिल्लीत शोरूमचा शोध पुन्हा सुरू केला आहे. या वर्षाच्या सुरुवातीला गुंतवणूक योजना थांबवल्यानंतर कंपनी भारतीय बाजारपेठेतील प्रवेशाचा पुनर्विचार करत असल्याचे हे संकेत आहेत. याआधी, टेस्लाने भारतात प्रवेश करण्याची आपली योजना रद्द केली होती आणि मस्कनेही एप्रिलमध्ये आपला प्रवास रद्द केला होता. या भेटीदरम्यान मस्क भारतात 2-3 अब्ज डॉलर्सची गुंतवणूक करण्याच्या योजना जाहीर करतील, अशी अपेक्षा होती.

कंपनीची डीएलएफशी चर्चा

माहितीनुसार, टेस्ला दिल्ली-एनसीआरमध्ये शोरूम आणि ऑपरेशनल स्पेससाठी भारतातील सर्वात मोठ्या प्रॉपर्टी डेव्हलपर डीएलएफशी बोलणी करत आहे. कंपनी दक्षिण दिल्लीतील डीएलएफ अव्हेन्यू मॉल आणि गुरुग्राममधील सायबर हबसह अनेक ठिकाणे शोधत आहे. यासाठी कंपनी इतर विकासकांशीही बोलणी करत आहे.

3,000 ते 5,000 चौरस फुट शोरूमच्या शोधात

टेस्ला 3,000 ते 5,000 चौरस फुटांचे शोरूम शोधत आहे, ज्यामध्ये ते व्हीलक्ससाठी ग्राहक अनुभव केंद्र, वितरण आणि सेवा सुविधा प्रदान करेल. टेस्लाच्या शोरूमसाठी जागा शोधण्याचे काम अद्याप सुरुवातीच्या टप्प्यात असताना, कंपनीने अद्याप काहीही निश्चित केलेले नाही.

भारतात येणार होते मस्क

एलॉन मस्क या वर्षी 22 ते 27 एप्रिल दरम्यान भारत दौऱ्यावर येणार होते, मात्र त्यांनी अचानक ही भेट रद्द केली. या दौऱ्यात मस्क पीएम मोदींनाही भेटणार होते. सरकारने नवीन ईव्ही धोरण आणल्यानंतर एलॉन मस्कने भारतात येण्याची योजना आखली होती.

नवीन धोरणानुसार, विदेशी कार उत्पादकांना भारतात किमान 497 दशलक्ष डॉलर (रु. 4,150 कोटी) गुंतवणूक करावी लागेल आणि कर सवलत मिळविण्यासाठी स्थानिक कारखाना/उत्पादन सुविधेतून 3 वर्षांच्या आत ईव्हीचे उत्पादन सुरू करावे लागेल, असे केंद्रीय मंत्री पियुष गोयल यांनी गेल्या वर्षी नोव्हेंबरमध्ये टेस्ला कारखान्याला भेट दिली होती तेव्हा स्पष्ट केले होते.