उत्तरप्रदेशच्या हरदाईमध्ये भीषण दुर्घटना, 10 जणांचा मृत्यू

वृत्तसंस्था/ हरदोई

उत्तरप्रदेशच्या हरदोई जिल्ह्यात बुधवारी भीषण दुर्घटना घडली आहे. या दुर्घटनेत 10 जणांना जीव गमवावा लागला आहे. भरधाव ट्रकने रिक्षाला धडक दिल्याने यात मोठी जीवितहानी झाली आहे.  ही दुर्घटना हीरा रोशनपूर गावानजीक घडली आहे.

संबंधित रिक्षामधून 14 जण प्रवास करत होते. दुर्घटनेत 5 जणांचा घटनास्थळीच मृत्यू झाला. तर 5 जणांनी रुग्णालयात उपचार सुरू असताना अखेरचा श्वास घेतला आहे. दुर्घटनेच माहिती मिळताच पोलिसांनी त्वरित तेथे धाव घेत मदतकार्य हाती घेतले होते. जखमींना उपचारासाठी रुग्णालयात दाखल करण्यात आले असल्याची माहिती पोलीस अधीक्षकांनी दिली आहे.

मृतांमध्ये 5 महिला, दोन मुली आणि एक मुलगा आणि दोन पुरुषांचा समावेश आहे. तर दुर्घटनेनंतर ट्रकचालक फरार झाला आहे. पोलिसांनी मृतांची ओळख पटविण्यासाठी प्रयत्न सुरू केले आहेत. या भीषण दुर्घटनेची मुख्यमंत्री योगी आदित्यनाथ यांनी दखल घेतली आहे. त्यांनी मृतांच्या परिवारांबद्दल संवेदना व्यक्त केल्या आहेत. तसेच अधिकाऱ्यांना दुर्घटनास्थळी त्वरित पोहोचण्याचे निर्देश दिले आहेत.