क्राइम थ्रिलरपटात झळकणार तमन्ना

ओटीटीवर प्रदर्शित होणार चित्रपट

तमन्ना भाटिया प्रेमकथा, आयटम साँगनंतर आता क्राइम आणि थ्रिलर कहाणीसोबत प्रेक्षकांच्या भेटीला येणार आहे. तमन्नाचा नवा चित्रपट ओटीटीवर प्रदर्शित होणार आहे. नेटफ्लिक्सने सोशल मीडिया पोस्टद्वारे तमन्नाचा हा चित्रपट 29 नोव्हेंबर रोजी प्रदर्शित होणार असल्याची घोषणा केली आहे.

‘तीन आरोपी, परंतु गुन्हेगार कोण, केस लवकरच संपणार, सिकंदर का मुकद्दर पहा 29 नोव्हेंबर रोजी’ असे नेटफ्लिक्सच्या पोस्टमध्ये नमूद आहे. सिकंदर का मुकद्दर हा चित्रपट एक दरोडेखोर आणि त्याला रोखण्याचा प्रयत्न करणाऱ्या एका पोलीस अधिकाऱ्याच्या कहाणीवर आधारित आहे.

या चित्रपटाचे दिग्दर्शन नीरज पांडे करत आहेत. सिकंदर का मुकद्दर या चित्रपटात तमन्ना भाटिया, अविनाश तिवारी, जिमी शेरगिल,  राजीव मेहता, दिव्या दत्ता आणि जोया अफरोज हे कलाकार दिसुन येणार आहेत. तमन्ना यापूर्वी ‘स्त्राr’ या चित्रपटात एका कॅमियो भूमिकेत दिसून आली होती. तर जिमी शेरगिल हा नेटफ्लिक्सच्या ‘फिर आई हसीं दिलरुबा’ या चित्रपटात दिसून आला होता.