तिन्ही दिग्गज नेत्यांचे समर्थक मैदानात

राजस्थानात खंडेला नावाचा मतदारसंघ आहे. या मतदारसंघात तीन प्रमुख उमेदवार उभे आहेत. 2018 मध्ये देखील याच उमेदवारांमध्ये मुख्य लढत होती. खास बाब म्हणजे मुख्यमंत्रिपदाचे तीन दावेदार अशोक गेहलोत, वसुंधरा राजे, सचिन पायलट यांच्या तिघांचे समर्थक परस्परांना आव्हान देत आहेत.

काँग्रेसने महादेव सिंह खंडेला यांना उमेदवारी दिली आहे. खंडेला हे अशोक गेहलोत यांचे निष्ठावंत मानले जातात. मागील निवाडणुकीत त्यांनी अपक्ष म्हणून विजय मिळविला होता. तर 2018 मध्ये काँग्रेसचे उमेदवार राहिलेले सुभाष मील आता भाजपचे उमेदवार आहेत.

सुभाष मील हे सचिन पायलट यांचे निकटवर्तीय मानले जातात. तर मागील वेळी भाजप उमेदवार असलेले बन्सीधर बाजिया आता अपक्ष म्हणून रिंगणात आहेत. बन्सीधर हे वसुंधरा राजे यांचे समर्थक मानले जातात. खंडेला मतदारसंघात या तिन्ही नेत्यांचे समर्थक परस्परांना आव्हान देत स्वत:च्या विजयाचा दावा करत आहेत.

मागीलवेळी भाजपचे बाजिया पराभूत झाले असले तरीही दीर्घकाळापासून या मतदारसंघावर त्यांच्या परिवाराचा प्रभाव राहिला आहे. जाटबहुल या मतदारसंघात बाजिया किंवा त्याच्या परिवारातील सदस्यच प्रामुख्याने विजयी होत राहिला आहे. बाजिया यांच्यासोबत उर्वरित दोन्ही उमेदवारही जाट समुदायाशी संबंधित आहेत.