सुनील मित्तल यांच्या कंपनीने एअरटेलमधील हिस्सेदारी विकली

इंडियन कॉन्टिनेंटलने एअरटेलचे समभाग 8,485 कोटींना विकले

वृत्तसंस्था/ मुंबई

उद्योगपती सुनील भारती मित्तल यांची कंपनी इंडियन कॉन्टिनेंटल इन्व्हेस्टमेंट लिमिटेडने मंगळवारी भारती एअरटेलमधील आपली हिस्सेदारी 976 अब्ज डॉलर्स म्हणजेच 8,485 कोटी रुपयांना विकली आहे. याचा अर्थ असा की, कंपनीने भारती एअरटेलमधील 0.84 टक्के म्हणजेच 51 दशलक्ष शेअर्स (5.1 कोटी समभाग) विकले आहेत. इंडियन कॉन्टिनेंटल इन्व्हेस्टमेंट्सने निधी उभारण्यासाठी एअरटेलचे समभाग विकले आहेत, अशी माहिती कंपनीने एक्सचेंज फाइलिंगमध्ये दिली आहे. 5.1 कोटी शेअर्सपैकी सुमारे एक चतुर्थांश शेअर्स समूहाची दुसरी कंपनी भारती टेलिकॉम लिमिटेडने खरेदी केले आहेत. भारती टेलिकॉमकडे आता एअरटेलमध्ये 40.47 टक्के हिस्सेदारी आहे. भारती टेलिकॉमने नोव्हेंबरमध्ये इंडियन कॉन्टिनेंटलकडून एअरटेलमध्ये सुमारे 1.2 टक्के हिस्सेदारी खरेदी केली. या करारातील इतर गुंतवणूकदारांची नावे उघड करण्यात आलेली नाहीत. इंडियन कॉन्टिनेंटलने या करारात एअरटेलचे समभाग प्रति शेअर 1,660.46 रुपये या किमतीला विकले आहेत. एअरटेलच्या शेअर्सची विक्री अशा वेळी झाली आहे जेव्हा सुनील मित्तल आफ्रिकेत आणि यूके-स्थित सॅटेलाइट कंपनी वनवेबमध्ये गुंतवणूक करून परदेशात त्यांचे व्यवसाय विस्तारत आहेत. वनवेब 2023 मध्ये युटेलसिटमध्ये विलीन होईल. भारती एंटरप्रायझेस लिमिटेडच्या एका युनिटने गेल्या वर्षी बीटी ग्रुप पीएलसीमध्ये 24.5 टक्के हिस्सेदारी खरेदी केली होती.