बेल्लद कायदा महाविद्यालयाच्या विद्यार्थ्यांचे क्रॉसकंट्री स्पर्धेत यश

बेळगाव : आंतरमहाविद्यालयीन क्रॉसकंट्री चॅम्पियनशीप स्पर्धेत केएलई संस्थेच्या बी. व्ही. बेल्लद महाविद्यालयाच्या विद्यार्थ्यांनी तृतीय क्रमांक मिळविला. धारवाडच्या केपीई कायदा महाविद्यालयाने राज्य कायदा विद्यापीठ हुबळी यांच्या संयुक्त विद्यमाने ही स्पर्धा आयोजित केली होती. स्पर्धेमध्ये बेल्लद महाविद्यालयातून प्रज्वल कोलकार, सुप्रीत मर्जी, अभिषेक शेड्युरे, संकेत लोडने, लभायक नालबंद या विद्यार्थ्यांचा सहभाग होता. केएलई संस्थेचे कार्याध्यक्ष डॉ. प्रभाकर कोरे, प्राचार्य डॉ. जे. जी. हिरेमठ, क्रीडा शिक्षण संचालक डॉ. रिचा राव तसेच प्रध्यापक शिक्षक कर्मचाऱ्य़ांनी यशस्वी  विद्यार्थ्यांचे अभिनंदन केले आहे.