बेळगाव डीवायईएस स्पोर्ट्स हॉस्टेलचे सुयश

बेळगाव : सिंदगी येथे घेण्यात आलेल्या राज्यस्तरीय पदवी पूर्व महाविद्यालय कुस्ती स्पर्धेत बेळगाव डीवायईएस स्पोर्ट्स हॉस्टेलच्या मल्लांनी विविध वजनी गटात यश मिळविले. या राज्यस्तरीय कुस्ती स्पर्धेत बेळगाव डीवायईएस स्पोर्ट्स हॉस्टेलच्या राधिका तोंडीहालने 57 किलो वजनी गटात सुवर्ण, अनुष्का चौगलेने 68 किलो वजनी गटात सुवर्ण, 53 किलो वजनी गटात भक्ती पाटीलला रौप्य, 50 किलो वजनी गटात यशस्विनीने रौप्य तर मुलांच्या विभागात 65 किलो वजनी गटात रोहन धामणेकरने रौप्य पदक पटकाविले. या मल्लांना बी. निवास, प्रशिक्षक स्मिता पाटील, हणमंत पाटील, नागराज, मंजुनाथ मादार यांचे मार्गदर्शन लाभत आहे.