‘स्ट्रेंजर थिंग्स सीझन 5’ लवकरच

नेटफ्लिक्सकडुन ‘स्ट्रेंजर थिंग्स’चा पाचवा आणि अखेरचा सीजन लवकरच प्रदर्शित केला जाणार आहे. अलिकडेच ‘इन द फॉल ऑफ 1987’ या नावाने याचा नवा टीजर जारी करण्यात आला आहे. अखेरचा सीझन असल्याने यावरून वेगळेच वातावरण निर्माण झाले आहे. या सीझनच्या 5 एपिसोड्सचे शीर्षक सादर करण्यात आले आहे. याची शीर्षकं द कॉल, द वॅनिशिंग ऑफ, द टर्नबो ट्रॅप, सॉर्सेरर, शॉक जॉक, एस्केप फ्रॉम पॅमाजोट्स, द ब्रिज आणि द राइटसाइड अप अशी आहेत. या सीरिजमध्ये बॉबी ब्राउन, नतालिया पोर्टमॅन, फिन वोल्फहार्ड यासारखे अनेक कलाकार आहेत. याच्या पहिल्या चार सीझन्सना प्रेक्षकांकडून मोठी पसंती मिळाली होती. आगामी सीझन आतापर्यंतचा सर्वात चांगला सीझन ठरेल असे उद्गार नोआह श्नॅप यांनी काढले आहेत. नोआहने या सीरिजमध्ये विल बायर्स ही भूमिका साकारली आहे. स्ट्रेंजर थिंग्स ही एक अमेरिकन सायन्स फिक्शन हॉरर ड्रामा सीरिज आहे. याचा पहिला सीझन 2016 मध्ये प्रदर्शित झाला होता. तर दुसरा सीझन 2017 मध्ये सादर करण्यात आला होता. तिसरा सीझन 2019 आणि चौथा सीझन 2022 मध्ये प्रेक्षकांच्या भेटीला आला होता.