हमार समुदायाची विचित्र प्रथा

स्वत: मार खाण्यासाठी येते मेहुणी

इथियोपियात हमार हा आदिवासी समुदाय ओमो खोऱ्यात राहतो. हा समुदाय स्वत:च्या अनोख्या परंपरांसाठी प्रसिद्ध आहे. काही परंतरा इतक्या विचित्र आहेत की, बाहेरील लोक थक्क होतात. परंतु या परंपरा शतकांपेक्षा जुन्या असून त्यांच्यासाठी गर्वाचे प्रतीक आहेत. ओमो खोऱ्याचे वॉरियर लोक म्हणजेच हमार समुदायाच्या लोकांची संख्या जवळपास 50 हजार आहे. हे मुख्यत्वे पशुपालक असून गायींना धन आणि समृद्धीचे प्रतीक मानतात. त्यांच्या संस्कृतीत रंगबिरंगी शरीर चित्रकला, दागिने आणि संगीत-नृत्याचे खास महत्त्व आहे. विवाहाचे विधी 3-4 दिवस चालतात.

येथे विवाहासाठी वराला वधूच्या परिवाराला ब्राइड प्राइस द्यावी लागते, ज्यात बहुतांशकरून गायी असतात. कुटुंबाच्या स्थितीनुसार गायींची संख्या ठरते. या गायी वधूच्या परिवाराच्या आर्थिक सुरक्षेसाठी असतात. जर वर श्रीमंत नसेल तर विवाह जुळणे अवघड असते, ही परंपरा समुदायाच्या अर्थव्यवस्थेला कायम राखते, परंतु आधुनिक काळात आता रोख रक्कम आणि अन्य वस्तूंचीही यात भर पडली आहे. विवाहात वधूला लाल मातीने रंगविले जाते. विवाहापूर्वी वधू (आणि पूर्ण परिवाराला) लालमाती आणि तूपाने रंगविले जाते. ही केवळ सजावट नसून सूर्यकिरणांपासून त्वचेचे रक्षण करते आणि वधूच्या फर्टिलिटीचे प्रतीक आहे. विवाहात महिला दागिन्यांनी सजतात.

विवाहादरम्यान बुल जम्पिंग सेरेमनी पार पाडला जातो. यात वराला 10 बैलांवरून न पडता उडी घ्यावी लागते. यात तो यशस्वी ठरला तरच विवाहास पात्र ठरतो. वराला विवाहावेळी मेहुणींना मारबडव करावी लागते. वर यात मेहुणींना तो भरपूर बडवतो आणि त्या तक्रारही करत नाहीत. महिला स्वत: समोर येतात आणि वराला बडविण्याचे आवाहन करतात. समुदायानुसार या मारहाणीच्या खुणा महिलांसाठी गर्वाचा बॅज असतात. जितक्या अधिक खुणा तितका सन्मान. या वेदना सहन करण्याची शक्ती दाखवितात.